2 ONGPATHÜ 16:7 - DAÜLANGPÜ LAIHING (BSI)

⁷ Ahaz-i Assyria am Tiglath-Pileser ongpa kü phongmokbüthü shomei, “Ngeiyü nüngei chongphobü hatü nüngei ong naü-eepa. Hanangkü ngei mü hokpü Aram ongpa hatü Israel ongpa nyilei lak kübü nüng aongei ngei yangtuh” shei e.

2 ONGPATHÜ 16:7 Referans Kwoze

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

YOUNG LAI 4:17

Angsha kü sheühpü danghen shei ongyangei veihampai mükyang yungdaiteke; Ham neyangphaaokhen jat hük kü monglemei veishi nyuteke.

JEREMIAH 17:5

Shembüpai hapakei enyüke: “Üpai shennyak kü hinglemnya, üpai wong danghen phai kü mongnyangnya, hatü üpai SHEMBÜPAleipü yanei lüdainya, büpayü thaüvaüthemthepü.

2 SHÜPPÜKENGPÜ 28:20

Assyria ongpa Tiglath-Pileseri büpa touei peiyei sheühhen nangjei longi tok shuoh.

2 SHÜPPÜKENGPÜ 28:16

Hahepak kü Ahaz ongpai Assyria ong kü sheühpü yüei phe.

1 SHÜPPÜKENGPÜ 5:26

Hanangkü Israel Kahvangi Assyria am Pul (Tiglath-Pileser) ongpa vamhü hatü Reuben, Gad hatü bhaosheipü Manasseh am jat wüpküpei müei dai. Büpai hathü Halah, Habor, Hara hatü Gozan yungyenei ha nyih mü pangei tuhteke.

1 ONGPATHÜ 20:4

Ahab ongpai jangei, “Ngelei shembü ongpa, nüngi epükei-üng ngei hatü ngei angpü kemei nüngei” shei e.

2 ONGPATHÜ 18:7

Shembüpa büpa mü nyu; büpai dükpü lemphü kü aokpü dang. Büpai Assyria ongpa khüei yaong, hatü büpai büpa chongnepho.

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

EZEKIEL 16:28

Lebüthüi ammei mükbongjuyung hüneshemhüpü nangkü ammi shao Assyria am phei changei daiyei büm yuteke; hatü hapaiyao am hüneshemhü.

EZEKIEL 23:5

Ngei mü shem yemei tuhtü Oholah-i Assyria am veshanthü,

EZEKIEL 23:12

Pinnyüao Assyria am hamhiman, veshan mübüthü, ve-ow changshi owpü hampathü, koyei veshanthü hatü nethe meipü nethethü mü büm yuei nyupeih.

JEREMIAH 13:21

Nüngei küphü vaihen shingvaishi nyuhshuohpüthüi nüng neütüktü nüng shak kü vanglem lemküjü nüngiyao mehe deihhen? Nyüha hük hapeü angshingkü tüngpü keiha nüng kü netünghen je?

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.