2 ONGPATHÜ 16:3 - DAÜLANGPÜ LAIHING (BSI)

³ shejao büpai Israel ongthülei lem kü kam. Lebü jatthüi dükteipü jiühitnalai vanglem keiha büpai laophülei hapeü aw kü jakei lajei kü moila shuoh. Hanangkü Israel am shekü Shembüpai hapa kahdok kübü jom changtükpeih.

2 ONGPATHÜ 16:3 Referans Kwoze

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

LEVI 18:21

Nüngi nüngei hapeüthü üpayao Molekh kahvang kü jakpü moila teshuoh; mehenangkü nüngi nüngei Shembüpalei men teten. Ngeiyü Shembüpa.

2 ONGPATHÜ 21:2

Israel am leishingkü Shembüpai changtükpü jatthülei jiühitnalai vanglem, dükhiling kü kamei büpai Shembüpa touei mang thah.

2 ONGPATHÜ 21:11

“Judah amei ongpa Manasseh-i hathü jiühitnalaipü mang thahteke. Büpai büpa shekü nyupü Amor ami dükpü mao nyeishi mang dük, hatü büpalei lajeithü homei Judah am mang thahhü.

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

EZEKIEL 20:31

Mechem ammi moila shuohhen hatü ammei hapeüthü aw kü jakei moila shuohhenshang, ammei lajeithü homei am nyingi nedaüi leinyüke. Hakei tuhtü amphongi ngei kü phehen je, Oh Israel phang? Ngeiyü vanyangyem Kahvang, amphongi ngei kü lanshei nephehen shei Shembüpa Kahvangi enyüke.

EZEKIEL 20:26

Jomi ngeiyü Shembüpa khih shei nyinghen shangmü ngei jomei thinthothü jomei shongei shaanpü yem moila peü ngei sheihtükpeih, hatü ngei jom nyempai mahü.

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

EZEKIEL 16:21

Ammi ngelei hapeüthü jütü lajeithü kü moila shuohtükpeih.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

MENVIH KESHO 106:35

shejao jomi jatthü mü vukeivengei, jomi dükpü peü dükhen nying.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

2 SHÜPPÜKENGPÜ 33:2

Shembüpai Israel am toueipü changtükpü jiühitnalai dou dükpü jatthü phei müei büpai Shembüpa touei mang dük.

2 SHÜPPÜKENGPÜ 22:3

Büpaiyao Ahab am shemei lemthü kü kam; mehenangkü chenyüi mang dükhen lem huteke.

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

2 ONGPATHÜ 8:18

Büpai Ahab am shemi dükpükei Israel ongthülei lem kü kam; mehenangkü büpai Ahabei yiükha yah. Büpai Shembüpa touei mang dou dükteke.

1 ONGPATHÜ 14:24

Nyeinya vaishi kahmük kü khümshing peülei büm yupü bahathü nyuteke. Israel am toueipü changtükpü jatthüi dükbenüng jiühitnalai mang lemphü jomphongi dük.

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

LEVI 20:2

“Israel am kü hapa etuh: Israel am vaijao benha vaijao Israel kü nyupü üpai laophülei hapeü Molekh kahvang kü shuohhenshang, hapa shennyakü khongi yaongi shükei jütükhen.

2 ONGPATHÜ 17:8

hatü Israel am peishingkü Shembüpai changtükpü jatthülei vanglem kü kam, hatü Israel am ongthüi nyuhpüvenpü dükhiling kü mü.

2 ONGPATHÜ 17:19

Judah amiyao Shembüpa, jomei Kahvangei shahkungnyüthü nedük, shejao Israel ami hupü vanglem kü kam.

MIKA 6:7

Mi cheha haja longi müei peijajü, nevaijü olive mainga yungyen haja an mü mongmeihen je? Ngei pungpü nangkü ngelei hashong, ngelei mang nangjei ngelei büm kübü betjük shuohhen hiang?

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

2 ONGPATHÜ 21:9

Shejao nanglakthüi ha nebang. Manasseh-i nyeishi mang dük; hanangkü Israel am peishingkü Shembüpai changtükpü jatthüi dükpü mao nyeishi nanglakthüi mang dükteke.

ISAIAH 57:5

Amü püdhüm vungdhüm ieyeilei mükbongjuyung dükei lihila kahvangthü kü khümnyüke; Ammi kahjithü hatü yaongsha püsha peülei laophülei hapeüthü jüei moila shuohnyüke.