2 ONGPATHÜ 14:6 - DAÜLANGPÜ LAIHING (BSI)

⁶ Shejao Mosa Shahkungnyü Laitap kü, “Hapeüthülei mang nangkü nyühipa nejühen, nevaijü nyühipalei mang nangkü hapeüthü nejühen; mehenangkü laophülei mang nangkü laophü laophüi dihen” shei Shembüpai epü nyangei nyupü keiha büpai chepa jütükpü shennyakthülei hapeüthü nejütük.

2 ONGPATHÜ 14:6 Referans Kwoze

SHAHKÜP 24:16

Hapeüthüi ten dükpü nangkü nyühipa nejühen, nevaijü nyühipalei mang nangkü hapeüthü nemahtükhen; shennyak hük laophülei mang nangkü mon mahhen.

EZEKIEL 18:20

Üpa shennyaki mang thahnya, hapa shennyak-üng dihen. Chehai chepalei mang nangkü nedihen nevaijü chehalei mang nangkü chepa nedihen. Daülangpü shennyak kü mei dükpü shangshi laklei shuohhen, hatü nemeipü shennyakü laophüi dükpü mang nangkü hanghihen.

EZEKIEL 18:4

Nyühipa vaituh, hashih vaituh, yangnyu kemei ngelei shei nyingtuh: Shennyak üpai mang thahnya, hapa shennyak mon dihen.

JEREMIAH 31:30

Shejao peüi laophülei mang nangkü dihen; thiok hahpü peüi laophü laophülei bha-üng daümhen.

DANIEL 6:24

Hahepak kü ongpai Daniel nyonghüpüthü peü yephen ngeükhüam shuoh, hatü jomphong peü jomei chenyühathü, hapeüthü mü mailang khok kü yepei shükshuohteke. Jom chongao mangngoi-i mailangthü laongei shükteke hatü vangao khih mü shaaitükteke.