2 ONGPATHÜ 11:12 - DAÜLANGPÜ LAIHING (BSI)

¹² Hapheikü Jehoiada-i ongpalei ha Joash müei ngai, hatü büpa kü ong athen thenhütü büpai büpa kü vangpüshuwpü lai hük shuoh-ei ong vaihen je. Jomi büpa ong vaihen je, hatü, “Ongpa, yangnyu shoshoshi nyutuh!” shei lak apei len.

2 ONGPATHÜ 11:12 Referans Kwoze

1 SAMUEL 10:24

Samueli nanglakthü peü kü, “Shembüpai jepü shennyakü büpa hih. Nanglakthü peü khong kü büpa keipü üpayao neshiüpih” shei e. Hahepak kü nanglakthüi lenei, “Ongpa yangnyu shoshoshi nyutuh!” shei e.

MÜLANGPÜ 25:16

Ammi hapa pela kü ngei am kü yahphahen shahkungnyü yaongshung hütuh.

1 ONGPATHÜ 1:39

Ngongpa Zadoki ashakshem mongeipü mainga shong yah-ei Solomon kü phuteke, hatü jomi amit vüngtü nanglakthü peüi, “Solomon ongpa yangnyu shoshoshi nyutuh!” shei len,

2 SAMUEL 1:10

Hanangkü ngei büpa kü la-i shoptü jüpeih; mehenangkü büpa ma yahpü nangkü neyangshasha khih shei ngei nyingpeih. Ngei büpalei shangjing leipü ong athen hatü lakshep yah-ei ngelei shembü nüng touei koei peiküpeih” shei e.

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

ISAIAH 55:12

Mehenangkü am mongong kü vamei daihen, hatü chingmeivangmei kü müei leihen, kahshang hatü shangchingthü am touei mongongpai kesho lokhen, hatü jahpan kübü pühivungi lak aphen.

MENVIH KESHO 98:8

Yungnyümoki lak aptuh; mongongpai shangtaothüi chemi kesho loktuh.

MENVIH KESHO 47:1

Lak aptuh, am jatthü peüi; Kahvang kü mongong kesho lokei wongmü lentuh.

2 ONGPATHÜ 11:2

Shejao Joram ongpalei yiükha, Ahaziahlei chenaü Jehoshebeah-i Ahaziahlei cheha Joash, ongpalei hapeüthü mü jütükhen nyupü khong kübü joei yah-ei lüdai. Pinnyüi büpa mü büpa kü junghen nyüha hük, büpa nejütükhen shingvaishi Athaliah kü joei lüngbangei tuh.

2 SAMUEL 16:16

Hahepak kü Ark am Davidei mongjempa Hushai-i Absalom touei peiyei, “Ongpa den lushi nyutuh! Ongpa den lushi nyutuh!” shei e.

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

SHAKEI VAMPÜ 19:12

Büpalei mükü awlom keiha hatü büpalei shangjing kü ong athen longi nyüke. Büpa mü lenei üpaiyao nenyingi büpalei men hük nyangtüktü nyüke.

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

2 KORINT 1:21

Shejao Khrista kü am mü ham chongwonghüpü hatü ham thiteiphuei jepeyü Kahvang;

PHONGSHANTHÜ DOU 4:27

Mehenangkü hapa chingnyülei Herod hi Pontius Pilat nyi mü Kung am hatü Israel nanglakthü chemi thaitü nüngi jepü nüngei daülangpü chongphobü Jisu khüei yaongnyüke.

MATHI 27:29

hatü hühthang yüpei athen kei lingtü büpalei shangjing kü thenshuoh, hatü jomi büpalei lakdah philei lenshuoh hük nohütü jomi büpa touei aümei shatü büpa kü yaüeilungei, “Jehoda amei ongpa den lushi nyutuh!” shei e.

MATHI 21:9

Büpa shekü kampü hatü phei kü müpü khongi hapakei len: “Hosanna David Ha! Shembüpalei men kü peipüba moihiman! Peü mü shaopüba kü men longtuh.”

DANIEL 6:21

Hahepak kü Danieli ongpa kü, “Oh Ongpa, nüng yangnyu shoshoshi nyutuh!

DANIEL 3:9

Jomphongi Nebukadnezzar ongpa kü eteke, “Oh Ongpa, nüng den lushi nyutuh!

YOUNG LAI 4:20

Shembüpai thiteiphutükpü hamei yangnyu ngü jomei tailok kü mandaiteke; Büpalei vangdhüm phangkü loishi, ham jatthü mü nyuhen shei deihteke.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

ISAIAH 8:16

Ngelei denpü shahjangmei yomtuh, hatü shahkungthü ngelei nanglakthü mü jungeilangei tuhtuh.

MENVIH KESHO 132:18

Büpalei vepathü kü ngei mongmang owhühen, shejao büpalei athen kü vangngai nyahühen.”

MENVIH KESHO 89:39

Nüngei chongphobü mü vangteipü nüngi mangtükteke; nüngi büpalei hon athen kübhih kü lüptükteke.

MENVIH KESHO 78:5

Büpai Jakob kü shahkung hük lingei shuoh, hatü Israel am kü shahkungnyü temei shuoh. Büpai hamei bühipathükü jomei hühihathü kü nyuhhen,

MENVIH KESHO 21:3

Nüngi büpa moihiman longpü mü mongongei yah, hatü daülangpü hon athen büpalei shangjing kü thenhü.

ESTHER 6:8

ongpai owpü ong-ow yah-ei deinyeih, ongpai uoteipü koyei hatü ongpalei ong athen yah-ei thenhünyeih.

ESTHER 2:17

ongpai lebü nyühathü peü mü Esther kü bam; nelathü peü khongkü pinnyüi ongpa mong hahhü; hanangkü büpai pinnyü kü ong athen thenhü, hatü Vashti nangjei pinnyü onglanyü vaiteke.

2 SHÜPPÜKENGPÜ 23:11

Hapheikü büpai ongpalei cheha müei deiyei ong athen thenhü, hatü büpa kü vangpüshuwpü shuoh; jomi büpayü ongpa shei len hatü Jehoiada hatü chehathüi büpa thiteiphuei yah, hatü, “Ongpa yangnyu shoshoshi nyutuh!” shei len.

2 ONGPATHÜ 11:4

Shejao bong nyetpabü kü Jehoiada ngongpai ongpa yompü, hatü ongshem yompü veshanthü shak kü lakchongbüthü kü nyüknüng deishih-ei büpa touei Shembüpalei shemei peihüteke. Büpai jom mü vangpüshuwpü ling, hatü Shembüpalei shemei jom lahhütü büpai jom kü ongpalei cheha hushuohteke.

2 ONGPATHÜ 9:3

hatü hapa mainga shong leipü mainga yah-ei büpalei shangjing kü langtuh, hatü büpa kü, ‘Shembüpai nüng Israel kü ong vaihen jepüja’ shei etuh, hatü nephei-i sha apei yahshi nüng mokdaituh” shei e.

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

2 SAMUEL 12:30

Büpai Ammon amei kahvang lajei shangjing leipü yah, hatü hapa dokshuohjü hon dok nga nyu, hatü halei douvang yaongthüao shihtü nyu, hatü hapa Davidei shangjing kü thenteke. Büpai hapa chingnyü leipü douhinang longi yah,

2 SAMUEL 5:3

Hanangkü Israel am behethü peü Hebronei David ongpa touei pei, hatü Shembüpa tou mü ongpai jomphong mü vangpüshuwpü ling, hatü jomi Israel shak kü ong vaihen David je.

2 SAMUEL 2:7

Hanangkü shaang am wong kohtuh hatü monglongtuh; mehenangkü ammei ongpa Saul didaiteke, hatü Judah nanglakthüi ngei jomei ong vaihüteke” shei e.

2 SAMUEL 2:4

Hahepak kü Judah nanglakthü peiyei Judah phangkü ong vaihen David jeteke. Mechem jomphongi David kü, “Saulei mahngü Jabesh-Gilead ami vüpeih” shei eshuohpa,

1 SAMUEL 16:13

Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

1 ONGPATHÜ 2:44

Ongpai shao Shimei kü, “Nüngi opa David kü mehe nemeipü dükpa, ha nüngi nyingei nyüke. Hanangkü nüngi nemeipü dükpü kü Shembüpai shaang nüng kü ha nyokei nyemyahpha.

2 ONGPATHÜ 11:11

hatü yombüthü peüi laophülei lakei lahhilaong notü shem kü apsha pehe shinei, moidü hatü shem shinei shing peü philei ongpa yomei yaong.

1 ONGPATHÜ 1:25

Shinnyih büpa yiüei mohohbaongthü, nitshüpü mohoh chehathü hatü mi longi yah-ei moila shuohteke, hatü büpai ongpathülei hapeüthü peü, veshan mübü Joab, hatü ngongpa Abiathar, hathü büpa touei hahyingei, ‘Adonijah ongpa yangnyu shoshotuh!’ shei enyüke.

2 ONGPATHÜ 9:13

Hahepak kü jomi shülangi jomei ashak nyiukei büpalei lateenei nyem. Hapheikü jomi amit vüngei, “Jehuyü Ongpa!” shei len.

MENVIH KESHO 21:4

Büpai nüng kü yangnyu yü, hatü nüngi büpa kü ha shuoh; denden kü nyih luei anghü.