2 ONGPATHÜ 10:9 - DAÜLANGPÜ LAIHING (BSI)

⁹ Nepphei Jehu-i penyü shadenei vamei nanglakthü touei yaongtü, “Ngelei shembü khüei yaongpü, hatü büpa jütükpeyü ngei hih; hapayü am mang nevaipih. Shejao hathü üpai jüpa?

2 ONGPATHÜ 10:9 Referans Kwoze

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

ISAIAH 5:3

Shaang Jerusalem hatü Judahlei nyupü shennyakthüi ngei hatü nyalingngupai kah nyi aa kü shahphennyüke.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

2 ONGPATHÜ 10:6

Hapheikü Jehu-i nyipabü jom kü lai nyangpülei, “Am ngei mü nyujema, hatü ngelei shah banghen vaijema, ngenyih hapa hepak kü Jezreelei ammei shembülei hapeüthülei shangjing dakei ngei touei peikei” shei e. Shaang ongpalei hapeüthü jom pejempüan thahshi chingnyülei mübüthü mü nyu; mehenangkü hathüyü jomi jungei laonghahpüthü nyuteke.

2 ONGPATHÜ 10:8

Mechem phongmokbü Jehu ngoipa, büpai Jehu kü, “Hami ongpalei hapeüthülei shangjing deiküpeih” shei e. Hahepak kü Jehu-i, “Hathü kemei nepnüng dhom thahshi chingnyü penyüshalei khong nyi khongei haütuh” shei e.

2 ONGPATHÜ 12:21

Büpa jütükpü lakchongbüthüyü Shimeathlei cheha Jozakar hatü Shomerlei cheha Jehozabad nyu. Büpa di, hatü David Chingnyülei chepa am mü mahng vü. Büpa kü jeiyei cheha Amaziah ong vaiteke.