2 ONGPATHÜ 10:6 - DAÜLANGPÜ LAIHING (BSI)

⁶ Hapheikü Jehu-i nyipabü jom kü lai nyangpülei, “Am ngei mü nyujema, hatü ngelei shah banghen vaijema, ngenyih hapa hepak kü Jezreelei ammei shembülei hapeüthülei shangjing dakei ngei touei peikei” shei e. Shaang ongpalei hapeüthü jom pejempüan thahshi chingnyülei mübüthü mü nyu; mehenangkü hathüyü jomi jungei laonghahpüthü nyuteke.

2 ONGPATHÜ 10:6 Referans Kwoze

LUK SHAHSHA APPÜ 9:50

Shejao Jisui büpa kü, “Büpa tedohhü; mehenangkü üami am khüei nenyu hayü amphong shing hih” shei e.

MATHI 12:30

Üpa ngei mü nenyu, büpa ngei khüei nyüke, hatü üpai ngei mü nethai, haitüknyeih.

JOB SHAHSHA APPÜ 21:19

“Kahvangi jomei hühihathü shing hanghi jaoei tuhnyeih” shei nüngi enyüke. Jomi nyinghen shangmü hapa Kahvangi jom kü nyemshuoh.

2 ONGPATHÜ 9:32

Jehu-i ümha shadenei ngangei veitü lenei, “Ngei philei üpa nyüpa? Üpa nyüpa?” shei e. Ban tüktükpü shennyak nyi jem vamei büpa kü veishuohteke.

SHAHKÜP 5:9

Ammi hapa kü aümei tekhüm; mehenangkü ngeiyü Shembüpa, ammei Kahvang; ngeiyü mükhakpü Kahvang, ngei kü jiühitei bühipai mang thahpü nangkü jomei hühihathü kü denshem jem ali thahshi ngei hanghi shuohpeih,

BHEI-IE 25:4

Shembüpai Mosa kü, “Israel amei mübüthü kemei müei deiyei jütükkemtuh hatü Shembüpa tou kü vanghenyü kü yeemeishuoh; shejüang Shembüpai nanglakthü kü mongshihpü dohdaihen” shei e.

2 ONGPATHÜ 10:5

Hanangkü ongshem veipü lakchongbüthü, chingnyü veipü governor, behethü hatü yombüthüi Jehu kü hapakei shahjang shom: “Hamphongü nüng chongphopüthü, hatü nüngi mehe e, ha dükhen. Hami ong vaihen üpayao nejepih; nüng kü mehe meipeih shei deih, hapakei düktuh” shei e.

2 ONGPATHÜ 10:7

Mechem jom touei lai ngoijapa, jomi ongpalei hapeüthü müei deiyei jom pejempüan kemei jü. Jomi hathülei shangjing mühdow kü shihtü Jezreelei Jehu touei shom.

2 ONGPATHÜ 10:9

Nepphei Jehu-i penyü shadenei vamei nanglakthü touei yaongtü, “Ngelei shembü khüei yaongpü, hatü büpa jütükpeyü ngei hih; hapayü am mang nevaipih. Shejao hathü üpai jüpa?