2 ONGPATHÜ 10:11 - DAÜLANGPÜ LAIHING (BSI)

¹¹ Hanangkü Jehu-i Jezreelei Ahab am shem aopü kemei, büpalei lakchongbüthü, büpalei mongjempathü, hatü ngongpathü hükao ne-aophongi jütükkem.

2 ONGPATHÜ 10:11 Referans Kwoze

JOB SHAHSHA APPÜ 18:19

Büpayü laophülei nanglakthü khongkü laophülei li nevaijü hühiha netuhnyu; büpa nyupü shingei lihila netuhnyu.

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

KANDOK 13:20

Üami kon kohpüthü mü kamnya, nah-eilangei leidainyeih, shejao nemeipü am mü mongjem pongpai lomoh heünyüpeih.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

MENVIH KESHO 109:13

Büpalei hüshom pheinaü li hümtüktuh; den nyipabü kü büpalei men thitei yaktüktuh.

2 ONGPATHÜ 23:20

Josiah-i hapa vaümchongthü leipü ngongpathü moidü shangei jü hatü jomphong shangkü shennyakei vangtaothü jakteke. Hapheikü büpa Jerusalemei nyokei leidai.

1 ONGPATHÜ 22:6

Hanangkü Israel ongpai thibüthü jom kho ali hükshing nyükei leiyei jom kü, “Ngei Ramoth-Gilead hahnüng daihen hi nedaihenang?” shei phe. Jomi büpa kü, “Daituh, mehenangkü Shembüpai ongpalei lak kü hapa shuohhen” shei e.

1 ONGPATHÜ 21:22

Ngei nüngei shemong Nebatei cheha Jeroboam, hatü Abijahlei cheha Baasha am shem kei leihühen; mehenangkü nüngi ngei mongshihhü, hatü Israel am mang thahhüteke.

1 ONGPATHÜ 18:40

Hahepak kü Elijah-i, “Baal kahvangei thibüthü yeptuh; hathü hükao aoei tetuh” shei ngeükhüam shuoh. Hanangkü nanglakthüi hathü yep, hatü Elijah-i hathü peü Kishon Kahjilei müei yiüei jütükkem.

1 ONGPATHÜ 18:19

Hanangkü shaang ngei mü Karmel Kahshangei pongteihen shingvaishi Israel am peü kü nyükkütuh, hatü Jezebelei nükdülei hahyingpü Baal kahvangei thibüthü jom kho ali mü pinyipüan, hatü Asherah nyüha kahvangei thibüthü jom kho ali omshi nyükkei” shei e.

1 ONGPATHÜ 16:11

Büpa ong uoshing kü uoei vanglem lemei panghinüng büpai Baasha am shem kemei jü. Büpai shem am vaijao küphü vaijao baha hükao ne-aophongi jütük.

1 ONGPATHÜ 15:29

Büpa ong vaihinüng büpai Jeroboam am shem hükao yemmü netuh-i Shembüpalei shah Shiloh am Ahijah thibü homei epü keiha jütükkem;

1 ONGPATHÜ 14:10

Hanangkü ngei Jeroboam am shem kü shanghah koei peihen. Ngei Israel kü Jeroboam am shem kübü baha hapeüthü longpü maanpü, hatü aa, hatü bümeithü kemei jütükhen. Ngei Jeroboam am shem mangsho thahshi nyüphinya jakpükei jaktükhen.

JOSHUA 11:8

Shembüpai jom Israel amei lak kü shuoh; Israel ami jom jü, hatü Longpü Sidon kübü Misrephothmaim thahshi hatü heongphi Mispeh kahji thahshi changei shan. Jomi hükao yemmü netuh-i mangjükem thahshi nedoh-i hokteke.

JOSHUA 10:30

Shembüpai hapa ching hatü haleipü ongpa Israel amei lak kü shuoh; jomi hükao aoei netuh-i shennyak peü jütükkem. Büpai Jeriko ongpa kü dükshuohpükei hapa ongpa kao dükshuohteke.

JOSHUA 15:56

Jezreel, Jokdeam, Zanoah,

2 ONGPATHÜ 10:12

Hapheikü Jehu-i layaongei Samaria lemei dai. “Mi yombüthülei baümtap” shei epü shingei,

2 SHÜPPÜKENGPÜ 22:8

Jehu-i Ahab am shem shahphenei nyushingkü, büpai Judah am lakchongbüthü mü Ahaziahlei jeihinaüthülei hapeüthü Ahaziah mü chemi yiüpüthü heüei büpai jom peü jütük.

1 ONGPATHÜ 21:29

“Mekei Ahabi ngei touei maanpü leipa, ha nüngi nyingla? Büpai ngei touei maanpü leipü nangkü büpalei den kü ngei hapa shanghah neshuohpih, shejao ngei ha shanghah chehathülei shemong kü shuohhen” shei e.

2 ONGPATHÜ 9:7

Nüngi nüngei shembü Ahab am shem jütükkemtuh, hatü ngei ngelei chongphobü thibüthü, hatü ngelei lebü chongphobüthülei iy Jezebel homei yenhüpü bhüh yemhen hih.

2 ONGPATHÜ 9:9

Ngei Ahab am shemü Nebatei cheha Jeroboam am shem keiha, hatü Ahijahlei cheha Baasha am shem kei leitükhen.

2 SHÜPPÜKENGPÜ 22:7

Joram thümnüng Ahaziah yiüpü homei büpa dohpütenpü ngoihen Kahvangi temtükpü nyu. Mechem büpa yiüei ngoipa, büpai Joram mü chemi Nimshilei cheha Jehu, üpa Kahvangi Ahab am shem jütükhen jepa, büpa mü pongteinüng dai.