2 ONGPATHÜ 1:2 - DAÜLANGPÜ LAIHING (BSI)

² Shaang Israel ongpa Ahaziah büpalei Samaria ongshem adok shangeipü vüei ma yahteke. Hanangkü büpai phongmokbüthü kü, “Daituh, hatü Ekron amei kahvang Baal-Zebub kü ngei mei-üla khih shei phetuh” shei e.

2 ONGPATHÜ 1:2 Referans Kwoze

2 ONGPATHÜ 1:16

hatü büpai ongpa kü, “Shembüpai hapakei enyüke: Israelei Kahvang neshiüpü vaishi nüngi Ekron amei Baal-Zebub kahvang touei phongmokbüthü shomei phepü je? Nüngi hapakei dükpü nangkü nüngi shaang lemshi nyupü lüng kübü nepao-i nüng dihen!” shei e.

MARK 3:22

Jerusalem leipü yiüpü shahkung nyuhbüthü hanei-i, “Büpa kü Beelzebul nyüke, hatü kahshih mübülei ngan homei büpai kahshihthü changnyeih” shei e.

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

LUK SHAHSHA APPÜ 11:15

Shejao jomphong hanei-i, “Kahshihlei vanglem lembü Beelzebul homei büpai mang laangha changnyeih” shei e.

ISAIAH 37:12

Ngelei bühipai Gozan, Haran, Rezeph hatü Tel Assarlei nyupü Eden nanglakthü mahtükshingkü jomei kahvangthüi hathü jatthü yangshuohla?

2 ONGPATHÜ 1:6

Jomi büpa kü, “Shennyak hük ham mü pongteinüng peiküpeih, hatü büpai hamphong kü, ‘Amphong deishihpü ongpa touei nyokei leituh, hatü büpa kü, Israel Kahvang neshiüpü vaishi Ekron amei kahvang kü phehen shompü je? Hanangkü nüng shaang lemshi nyupü lüng kübü nepao-i nüng dihen Shembüpai enyüke’ shei ephopeih” shei eteke.

2 ONGPATHÜ 1:3

Shejao Shembüpalei phongshan homei Tishbe am Elijah kü, “Aongtuh, hatü Samaria leipü Ahaziah-i shompü phongmokbüthü mü pongei, ‘Israel Kahvang neshiüpü vaishi Ekron amei kahvang Baal-Zebub kü phehen aongnyu je’? shei phetuh.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

PHONGSHANTHÜ DOU 20:9

Eutekus shei menpü nethe hük ümha shadenei uoshi nyu; Pauli lushi shah epü hepak kü büpa mükhet ngaokngangei nyutü mükhet ngoiyei shipü nangkü jaan jem shaopü shem leipü kahdokei vü hatü mahng mü homteke.

SOLOMONEI KESHO 2:9

Ngei bampübayü shaok nevaijü meishiy laja leshi nyüke. Veituh! Halei büpa bham haolei yaongtü ümha shaden, hatü bhamvo homei veinyüke.

JOB SHAHSHA APPÜ 31:3

Nedaünelangpü am kü shanghah, hatü mang dükpü am kü vongshüh nepeinyu je?

1 ONGPATHÜ 22:34

Shejao Aram am veshan hanei-i nenyingi lahhan kappai Israel ongpalei vehok ow thüngpü baong kü jiüshi shü. Hanangkü koyei khari mübü kü, “Ngei ma yahteke! Thepju leipü ngei müei leilangtuh” shei e.

1 ONGPATHÜ 14:3

Nüngi büpa kü aan pha an mü nyahjiü dük hük yahtü büpa touei heihjatuh, hatü naü mekei vaihen büpai ephahen” shei e.

1 SAMUEL 5:10

Hanangkü jomi Kahvangei Vangpüshuwpü Pela Ekronei deishihtük. Shejao mechem Kahvangei Vangpüshuwpü Pela Ekron ngoijapa, Ekron ami leneiwongei, “Hathüi jen hatü jenei nanglakthü nyemjütük shei Israel Kahvangei Vangpüshupü Pela koei deikünyüke” shei e.

SHAHPHENBÜTHÜ 11:24

Ammi ammei Kemosh kahvangi yahphopü neyahhen je? Hapa keiha Shembüpa, hamei Kahvangi mehe shuoh, ha hami yahhen.

SHAHPHENBÜTHÜ 5:28

Siseralei hümlungnyüi ümha shaden homei vei; Mükyang yungdaitü shadenei chiyei, mehekei koyei leiküpü ladhaok ngeü nedannya; mehekei om pheinya yo shei eteke.

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

JOSHUA 15:11

Ekron heongphi kahshong thahshi yiüei Shikkeron philei nyokei leiyei, Baalah Kahshang peih-ei Jabne-el thahshi yiüei yungching mü viong dohteke.

1 ONGPATHÜ 22:40

Chebü chepa amei mahngchongei Ahabei mahng vü, hatü büpa kü jeiyei cheha Azariah-i ong vaiteke.

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

ISAIAH 19:3

Ijip amei mong mahtükhühen, hatü jomei küpjan kong leitükhen. Jomi lajei hatü yimpi laangthü kü pheyuhen, laangthü hatü phongyompüthü kü pheyuhen.