2 ONGPATHÜ 1:15 - DAÜLANGPÜ LAIHING (BSI)

¹⁵ Hahepak kü Shembüpalei phongshani Elijah kü, “Büpa mü leituh, nüngi büpa kü tenyem” shei e. Hanangkü Elijah-i layaongei büpa mü ongpa touei lei,

2 ONGPATHÜ 1:15 Referans Kwoze

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

EZEKIEL 2:6

hatü nüng, Oh shennyak ha, nüngi jom kü tenyem, hatü jomei shah kü tehan. Hühchi hangchi kü hatü yiüjikaungkangthü mü nyulangmao, nüngi jomi epü shahthü kü tenyem hatü jomi nyem shaopü kü tehan; mehenangkü jomphongü khüei yaongpü jatli.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

JEREMIAH 15:20

Ngei nüngü hathü nanglak shingvaishi bham hük, melangnyiami showtükpü bham leihühen. Jomi nüng khüei hokhen, shejao nüng kü neneüpih, mehenangkü ngei nüng mü nyüpeih, hatü nüng yanghen shei Shembüpai enyüke.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

2 ONGPATHÜ 1:3

Shejao Shembüpalei phongshan homei Tishbe am Elijah kü, “Aongtuh, hatü Samaria leipü Ahaziah-i shompü phongmokbüthü mü pongei, ‘Israel Kahvang neshiüpü vaishi Ekron amei kahvang Baal-Zebub kü phehen aongnyu je’? shei phetuh.

1 ONGPATHÜ 18:15

Elijah-i büpa kü, “Ngei chongphopü vanyangyem Shembüpalei men kü ngei enyeih, hingmei shinnyih ngei büpa mü ponghen hih” shei e.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

2 ONGPATHÜ 1:14

Veituh, shelei anshihpü veshan mübü nyi, hatü jiji mü anshihpü veshanthü peü vangsho leipü aw yiüei hahtükteke, shejao nüngi ngei kü phahjishih!” shei khümei e.