2 ONGPATHÜ 1:13 - DAÜLANGPÜ LAIHING (BSI)

¹³ Hanangkü ongpai jempabü veshan mübü, hatü büpalei veshan jom pinyipüan shom. Jempabü veshan mübüi aongei Elijah touei aümei shatü, “Oh Kahvang shennyak, chingmeilemlingei ngei hatü nüngei chongphobü jom pinyipüanei yangnyu kü phahjishih.

2 ONGPATHÜ 1:13 Referans Kwoze

ISAIAH 1:5

Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

JAKOB 4:7

Hanangkü am nyingi Kahvang kü lanei shuohtuh. Shepe khangei yaongtuh, hatü büpa am toueipü nyaidaiphahen.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

CHONGVENBÜ 9:3

Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

KANDOK 27:22

Ngapa hük kü hah shüpükei shemshak kü shihtü shüshuohlangmao, büpa kü nyupü nga hapa netükaokpih.

MENVIH KESHO 102:17

Nehahneyingpüthüi phoppü kü büpai banghen, hatü jomi phoppü neyaktükhen.

MENVIH KESHO 72:14

Shüveipü hatü mophicheü kübü büpai jom yanglangnyeih, hatü jomü büpa touei douvang nyüke.

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

1 SAMUEL 26:21

Hahepak kü Sauli, “Ngei pungei dükteke; nyokei leikei, ngelei hapeü David; hajük kü ngei nüng kü meheyao ne-epih; nüngi ngelei yangnyu shinnyih yangei tuhteke; ngei ngapü khih; ngei longi pungteke” shei e.

MÜLANGPÜ 11:8

Hahepak kü nüngei lakchongbüthü peü ngei touei peiyei aümei shatü, ‘Nüng hatü nüng pheikü müpü nanglakthü leituh’ shei ehen. Hapheikü mon ngei leidaihen” shei eteke. Hapheikü Mosai mongshih wong kempai Pharaoh toueipü leidai.

2 ONGPATHÜ 1:12

Shejao Elijah-i jangei, “Ngei Kahvang shennyak hük vaijema, vangsho leipü aw yiüei nüng hatü nüngei veshanthü nyemhahtük!” shei e. Hahepak kü vangsho leipü Kahvang aw yiüei büpa hatü büpalei veshanthü hahtük.

2 ONGPATHÜ 1:14

Veituh, shelei anshihpü veshan mübü nyi, hatü jiji mü anshihpü veshanthü peü vangsho leipü aw yiüei hahtükteke, shejao nüngi ngei kü phahjishih!” shei khümei e.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.