2 ONGPATHÜ 1:10 - DAÜLANGPÜ LAIHING (BSI)

¹⁰ Elijah-i jangei, “Ngeiyü Kahvang shennyak hük vaijema, vangsho leipü aw yiüei nüng hatü nüngei veshanthü nyemhahtük!” shei e. Hahepak kü vangsho leipü aw yiüei veshan mübü hatü veshanthü hahtük.

2 ONGPATHÜ 1:10 Referans Kwoze

LUK SHAHSHA APPÜ 9:54

Mechem büpalei nanglom Jakob hatü Johan nyi-i ha eepa, jiji-i, “Shembüpa, henjinyi-i vangsho leipü aw yiüei hathü shamtüknünga?” shei e.

DANIEL 3:25

Shejemü, “Veihümao! Ngei shennyak ali awbhaongei kamteiyei, nesha-i hatü awyei-i dangkao nelai-i eenyüke, hatü alipabü-ü veiheni vangsho phongshan leshi eenyüke” shei e.

HEBREW 12:29

mehenangkü jenei Kahvangü laiyeilungei hahpü aw.

DANIEL 3:22

Shaang, ongpai aw longi shaamshi jakhen ngeükhüam wong mü shuohpü nangkü, Shadrakh, Meshakh hatü Abednego hathü yepei shükpü shennyakthüao awlomi laiyei jüteke,

SHAKEI VAMPÜ 11:5

Hanei ami hathü kü bheihüjema, jomei ju leipü aw vamei vepathü hahtükhen; hanei ami hathü kü bheihüjema hathüao hapakei jütükhen.

MENVIH KESHO 106:18

Jomei baümtapei aw vam, hatü nemeipüthü awi hahtük.

JOB SHAHSHA APPÜ 1:16

Mechem büpai ha shah eyei nyupa, shao lebü phongmokbü hük peiyei, “Vangsho leipü Kahvang aw vüei mi hatü mi yombüthü peü hahtükteke; ngei mon nüng kü hapa ehen yangpü khih” shei e.

PHONGSHANTHÜ DOU 12:19

Herodi büpa yemjao büpa nedang, hanangkü büpai yombüthü kü meishi dokei veitü jomphong jühen ngeükhüam shuoh. Hapheikü büpa Judea leipü Kasarealei yiüei halei nyu.

MATHI 21:41

Jomphongi büpa kü, “Büpai hathü nemeipüthü lomoh-ei dihühen, hatü büpai hapa nyalingngupai kah betjük vaümpü hepak kü büpalei phaihan jiüshi shuohhen lebü kah phuopü am kü shuohtükhen” shei e.

DANIEL 6:24

Hahepak kü ongpai Daniel nyonghüpüthü peü yephen ngeükhüam shuoh, hatü jomphong peü jomei chenyühathü, hapeüthü mü mailang khok kü yepei shükshuohteke. Jom chongao mangngoi-i mailangthü laongei shükteke hatü vangao khih mü shaaitükteke.

MENVIH KESHO 105:15

“Ngei jelangpüthü kü laki tehong, ngelei thibüthü kü ten tedük” shei ehampeih.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

1 ONGPATHÜ 22:28

Mikaiah-i jangei, “Nüng yemmü nyokei leiküjema Shembüpai ngei kü ne-epü nyemvai” shei e. Hatü büpai shao, “Ngei mehe e, ha kü am peüi bangtuh!” shei e.

BHEI-IE 16:35

Hatü Shembüpai aw shomei ayingshü jakei moilapü shennyak 250 kemei shamtük.

BHEI-IE 11:1

Shaang nanglakthüi jom shangpongpü nangkü Shembüpai danshi eelateke. Mechem Shembüpai hapa danpa, büpa mongshih, hatü jomphong kü aw shom, hatü baümtap jung phihük awi hahtük.

2 ONGPATHÜ 1:11

Shao ongpai büpa touei veshan pinyipüan shak kü mübü hük mü veshanthü pinyipüan shom. Jom aongei Elijah kü, “Oh Kahvang shennyak, ongpai nüng kü lomi leikei shei ngeükhüam shuohpü khih!” shei e.

LEVI 10:2

Shembüpai ngangahük kü aw shomei jiji kü bahhü, hatü jiji nyiphen Shembüpa touei di.