2 KORINT 9:8 - DAÜLANGPÜ LAIHING (BSI)

⁸ Düngei lemphü changshi nyupai ammi doumei peü kü bhashahshi hanteiaokhen shingvaishi Kahvangi am kü lemphü moihiman bhashahshi shuohhen aokshi nyüpeih.

2 KORINT 9:8 Referans Kwoze

EPHESIA 3:20

Shaang jeni phepü hatü deihpü peü kü nyeishi üpai jenei mongkü dou dükpai ha dükei ngoihen aoknya,

KANDOK 10:22

Shembüpalei moihimani shemmei leihünyeih, hatü büpai ha kü shanghah neshuohnyih.

MALAKI 3:10

Ngelei shemei hahying changshi nyuhen shingvaishi ammei ankhong moila peü tuhshingei yah-ei peikei, hatü ammi hapa tuhshing neshiüi manglei thahshi vangsho shaden aptü moihiman bhuh-eilinei yahphahen hi neyahphahen shangkü ngei kü doktuh hatü veituh shei Shembüpa Kahvangi enyüke.

HAGGAI 2:8

“Hon hatü ngin ngelei” shei Jeiyong Shembüpai enyüke.

KANDOK 28:27

Üpai taopa kü shuohnya, büpa meheiyao netaohen; shejao üpai jomphong eeyao ne-eepükei nyunya, thaüvaü longi danghen.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

KANDOK 3:9

Nüngi angpü mophimo-i, hatü nüngei lak kü vampü shongpü betjüki Shembüpa kü dhüm shuohtuh;

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.

2 KORINT 8:7

Shejao ammi lemphü kü chah-ei meipükei– hinglempü kü, epü kü, nyingpü kü, ammi sheühhüpü hatü ammi ham kü bampükei ammi shao hapa bampü dousho kü nyeishi nekaungi shuohhen nanyüke.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

2 KORINT 9:11

Ammi nekaungi longi shuohpü nangkü lem peü kü am shemmei leihen; hapai ham homei Kahvang kü menvih shuohhen vamhühen.

2 KORINT 8:2

Jom kü shangpong longpai dokshingkü jom longi taolangmao jom nyeishi mongongpai nekaungi moila longi shuohteke.

KANDOK 11:24

Shennyak hanei-i nekaungi shuohnyüke, shejao anyei-ang angnyeih; Hanei-i büpai shuohhen jiüpü shümlangnyeih, shejao nechangneshapai maei nyunyeih.

2 SHÜPPÜKENGPÜ 25:9

Amaziah-i thibüpa kü, “Shejema ngei ngin hajükjük jom kü shuohtükpeyü mekei ehen?” shei phe. Hapa thibüpai jangei, “Kahvangi ha mao nyeishi yahpha-aokhen hih” shei e.

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

1 PETER 4:10

Kahvangei phahji longpü kü khei vaibü meipü hük keiha ammi mehe mehe thintho dangtepa, hapai hüki hük chongphoteituh.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

2 KORINT 8:19

Ha mon nevai, shejao hami Shembüpa men kü bampü hupü dousho chongpho shingkü hatü hami sheühhüpü huhen nangkü hami moila koei Shembüpa müknyinshekhang shingvaishi daishingkü büpa ham mü daihen shingvaishi attoi ami büpa jepeih.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

2 THESALONIKA 2:17

ha homei ammei mong nangthongteituh, hatü doumei hatü shah peü kü am wong kohhütuh.

2 TIMOTI 3:17

shejüang Kahvangei shennyakthü peü doumei peü shingvaishi dükaokhen temtüktü nyuhen nyüke.

2 KORINT 13:3

mehenangkü Khristai ngei homei enyeih shei epü ammi lekei nyinghünyüke. Am mü eteihen büpa wong nekoh-i nenyu, shejao am touei wong kohshi nyüke.

PHILIPPI 4:11

Mehenangkü ngei sheühpü napü nangkü ha enyu nevaipih; mehenangkü mehe laphen kü nyuhenshang ngei ha kü hüshemei nyuhen nyingpeih; mehenangkü mehe laphen kü nyuhenshang ngei ha kü hüshemei nyuhen nyingtih.

2 TIMOTI 2:21

Ngei epü douthü kübü laophü nyingi daüei nyupüthü peü shem shembü am kü doumei lemphü shingvaishi noteihen daütüktü temei tuhpü dükhi-ümthü leihen.