2 KORINT 9:2 - DAÜLANGPÜ LAIHING (BSI)

² mehenangkü am kü sheühhüpü mong nyüke shei ngei nyingnyüke, hatü ngei Macedonia am touei changmeipeyü am nangkü hih. Akhaia leipü jeihinaüthüi müvang mebü sheühhen temei nyüke shei ngei ephei. Am nyakpükenpai jom longi mongshin phukteke.

2 KORINT 9:2 Referans Kwoze

2 KORINT 8:10

Hapa nangkü ngei am kü shahnying meipü shuohshah: Müvang amphongü shuohpü kü shongpü mon nevai, shejao hapakei shao nedoh-i shuohhen mongpü nyuteke.

2 KORINT 8:8

Ngei hapayü shahkung kei ne-enyih, shejao mih-i sheühhüei monghumpü eeyei ammi bampü meshük hingshangpa, ngei ha nyinghen doknyüpeih.

2 KORINT 8:24

Hanangkü attoithüi eehen shingvaishi hathü kü ammi bampü, hatü am nangkü ham changmeiyei deihpü lekei hueishuoh.

HEBREW 10:24

hatü bampü hatü doumei dükhen nangkü hüki hük mü nangthongteishah.

1 KORINT 16:15

Shaang, jeihinaü hatü nyahinaüthü, Akhaia kü shongei mong leppeyü Stephanas am shemong nanglakthü khih, hatü jomi vaipüthülei dousho kü lanei shuohpü ammi nyingei nyüke.

1 THESALONIKA 1:7

Hanangkü amü Macedonia hatü Akhaia kü vaipüthü peü touei lappü meipü leiteke.

2 KORINT 8:19

Ha mon nevai, shejao hami Shembüpa men kü bampü hupü dousho chongpho shingkü hatü hami sheühhüpü huhen nangkü hami moila koei Shembüpa müknyinshekhang shingvaishi daishingkü büpa ham mü daihen shingvaishi attoi ami büpa jepeih.

2 KORINT 7:4

Ngei düngei am nangkü changmeinyeih; am nangkü ngei maühepü longpü nyüpeih; ngei mong nyiushem meipai maei nyüpeih; ham shangpongpü peü kü ngei longi mongongnyeih.

2 KORINT 1:1

Paul, Kahvangi mongpü homei Khrista Jisulei phongshan, hatü jenei jeihinaü Timoti nyi-i, Akhaia kü nyupü daülangpüthü peü omshi Korint kü nyupü Kahvangei attoi touei,

PHONGSHANTHÜ DOU 18:12

Shejao mechem Gallio-ü Akhaia kü Rom governor nyupa, Jehoda am hoi jemtü Paul yepei shahphen shingei dei.

PHONGSHANTHÜ DOU 24:17

Bong kansho hük pheikü ngei Jerusalemei taopathü kü sheühhen moila yahnüng, hatü moila shuohnüng leipeih.

ROM SHAHSHA APPÜ 15:26

mehenangkü Macedonia hatü Akhaia ami Jerusalemei nyupü taopü daülangpüthü mü jomei mophimo hanteihen mongongshi nyüke.

2 KORINT 7:14

Am nangkü ngei büpa touei changmeipeih, hatü ammi ngei mongnemanghü, shejao hami am kü epü lemphü shahhing vaipü keiha hami am nangkü Titus touei changmeipeyü shahhing nyüke.

2 KORINT 8:11

Am kü peipü mop aimü ammi ha dükhüpeyü dou leiyei temei dükpai changhütuh.