2 KORINT 9:13 - DAÜLANGPÜ LAIHING (BSI)

¹³ Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

2 KORINT 9:13 Referans Kwoze

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

GALATIA 1:24

Hatü ngei nangkü jomi Kahvang müknyinshekhangpeih.

2 KORINT 2:12

Mechem Khristalei shahjangmei baonghen ngei Troaslei peipa, Shembüpa kü ngei shingvaishi shaden aptüktü nyuteke;

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

2 KORINT 8:4

Judealei nyupü vaipüthü kü sheühhen jomao hean yahhüpü nangkü jomi ham kü phephopeih,

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

PHONGSHANTHÜ DOU 4:21

Shao jiji kü nyemshao pheikü jiji leitük; jiji kü hanghi shuohhen meheyao lem nedang; mehenangkü nanglakthü peüi mehe vampa, ha shingvaishi Kahvang men vih-ei nyuteke.

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

MATHI 9:8

Mechem khongi ha eepa, jomphong nyempai ma, hatü hangku kü hapa keipü wong shuohpü Kahvang kü müknyinshekhang.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

ROM SHAHSHA APPÜ 10:16

Shejao peüi payü shahjangmei nebangang; mehenangkü Isaiah-i enyüke, “Shembüpa, üpai hamei shahjangmei kü hinglempa?”

ROM SHAHSHA APPÜ 12:8

hapayü mongnang thongpü vaijema, büpai mongnang thongtuh; hapayü mih kü shuohpü vaijema, büpai nekaungi shuohtuh; hapayü mübü hean vaijema, büpai kenhingei vanglem lemtuh; hapayü phahji hupü vaijema, büpai ha monghumei düktuh.

ROM SHAHSHA APPÜ 15:31

hapayü Judealei nevaipüthülei lak kübü ngei yanghen, hatü ngei Jerusalemei daülangpüthü kü chongphopeyü yah-aokbenüng vaihen;

2 KORINT 9:14

Peü mü nyeipü Kahvang phahji büpai am kü shuohpü nangkü jomi am ongyangnyüke, hatü jomi am shing phopnyüke.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

RUTH 2:19

Chenyei-i pinnyü kü, “Nüng shinnyih hahdhei melei thaipa? Nüng üamei kahlei thempa? Nüng kü hajük mong shuoh-ei jungpü shennyak kü Kahvangi moihimantuh” shei e. Hahepak kü Ruth-i Naomi kü pinnyü üamei kahlei thempa ha jung ejateke. “Shinnyih ngei dou dükei thempü kah shembülei menü Boaz khih” shei e.