2 KORINT 8:9 - DAÜLANGPÜ LAIHING (BSI)

⁹ Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

2 KORINT 8:9 Referans Kwoze

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

ROM SHAHSHA APPÜ 5:8

Shejao Kahvangi bampü jen kü büpai hupeyü jen nedoh-i mang kü nyushi Khrista jen shingvaishi dipeih.

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

EPHESIA 2:7

Hanangkü ngoikahen denthü kü Khrista Jisu kü büpai jen kü bampü shetei neaokpü büpalei phahji mop huphahen.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

LUK SHAHSHA APPÜ 16:11

Shahhing ne-epü kahdoknyü mop noteipü kü nüng kü mongnelemjema, hingshangpü mop noteihen üpai nüng kü monglemhen?

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

LUK SHAHSHA APPÜ 9:58

Jisui büpa kü, “Mahuthü dung nyüke, hatü shangouhathü jep nyüke; shejao Shennyak Ha laophülei shangjing haühen shing neshiü” shei e.

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

EPHESIA 3:19

hatü nyingpü peü mü Khrista bampü peü mü nyeishi nyinghen shingvaishi ngei phopnyeih, shejüang amphong Kahvang deiaei peü philei mapai maei nyuhen.

1 KORINT 1:4

Jisu Khrista kü Kahvangi am kü phahji shuohpü nangkü ngei am shing düngei Kahvang kü menvih shuohnyeih;

LUK SHAHSHA APPÜ 2:7

Pinnyüi yeshang hük angei büpa kü ashaki jümtü mohoh hetshung kü lemhü; mehenangkü jom ngoipü khaokei dung neshiüi nyuteke.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

JOHAN 16:15

Opai angpü peü ngelei vaipü nangkü büpai ngelei lompüthü yahhen, hatü ha am kü nyinghühen shei ngei enyüpeih.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 1:10

Büpa kahdoknyülei nyu, hatü kahdoknyü-ü büpa homei ling, shejao kahdoknyüi büpa nenying.

MATHI 8:20

Jisui büpa kü, “Mahuthü yaongdung nyüke, hatü shangouhathü shing jep nyüke, shejao Shennyak Ha shangjing haüshing meleiyao neshiü” shei e.

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

ROM SHAHSHA APPÜ 11:12

Shejao jom huluh shuohpai kahdoknyü shingvaishi moihiman vaijema, hatü jom lomohpai Kung am shing moihiman vaijema, jom peü omjü meshük longpü moihiman vaihen!

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.

JOHAN 12:30

Jisui, “Hapa ngeü-ü ngelei men kü nevai, ammei men kü peipü khih.

MARK 6:3

Hapayü Marylei cheha mistripa, Jakob, Joseph, Judas hatü Simon hathülei chejei nevaipü je? Büpalei chenaü nyühathü jen mü nenyupü je?” shei etei. Jomi büpa nangkü huluh shuoh.

MATHI 17:27

Shejoongpa, jeni jom huluh neshuohhühen shingvaishi yungchingei heih-ei nyiamphaak shükeishuoh; ha kü manküpü shongpü nyah yah-ei ju kaei veishuohjü poisa phahük danghen, ha yah-ei ji shing shuohtuh” shei eteke.

ISAIAH 65:8

Shembüpai hapakei enyüke: “Nyalingngupai choung kübü yiü vamnyeih shei nyingei shennyakthüi, ‘Ha temangtük, halei moihiman nyüpeih’ shei epü keiha, Ngei ngelei chongphobüthülei men kü ngei jom nemahtükpih.

ISAIAH 62:1

Zionlei daülangshemshepü vanghela kei mangnya thahshi, hatü Jerusalemei yemleipü awnya kei mangnya thahshi, Zion men kü ngei nenmü nenyupih, hatü Jerusalem nangkü ngei nyiumeiyei nenyupih.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

LUK SHAHSHA APPÜ 8:3

hatü Herodei kheibü Chuzalei chenyüha Joanna, hatü Susanna, hatü lebü longi nyu. Hathü nyühathüi jomi angpü yah-ei Jisu hatü büpalei nanglomthü kü sheühteke.

ROM SHAHSHA APPÜ 15:3

Mehenangkü Khristai laophü nying mongmeihühen nedük, shejao ha nyangei nyüke: “Nüng kü naamei epüthülei naamshah ngei kü sheüteke.”

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.