2 KORINT 7:6 - DAÜLANGPÜ LAIHING (BSI)

⁶ Shejao Kahvang, üpai mongshangpüthü nyiushem meihünya, Titus peihüpai ham nyiushem meihüpeih,

2 KORINT 7:6 Referans Kwoze

2 KORINT 7:13

Hapa kü jen nyiushemmei dangnyeih. Ham mong nyiumeipü kü üei hami shao Titus mongongpü kü mongongpeih; mehenangkü amphong kempai büpalei mong nyiumeihüpeih.

JEREMIAH 31:13

Nela nethe hatü behe peüi mongongpai phaukteihen. Ngei jom theppü mongong leihühen; Ngei jom kü mongmang nangjei nyiushemmei mongong shuohhen.

1 THESALONIKA 3:2

Hanangkü hapa shüveidoidei homei üpayao nejenlenhen shingvaishi Khristalei shahjangmei baongpü kü chemi Kahvang chongphopü Timoti, hamei jeihinaü am vaipü kü wong kohhühen hatü mongnang thonghen shingvaishi shompeih.

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

PHILIPPI 2:1

Hanangkü Khrista kü lemhük nangthongpü nyujema, bampü kübü lemhük nyiushemmei nyujema, Laangha kü mongjempü lemhük nyujema, yahyang shinshangpü lemhük nyujema,

ROM SHAHSHA APPÜ 15:5

Munenpü hatü mongnang thongpü Kahvangi am hüki hük mü Khrista Jisu phei müpai mongjemshi nyuhen yahphahen,

MATHI 5:4

Mahng theppüthü moihiman; mehenangkü jom nyiushem meihen.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

JOHAN 14:16

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

2 KORINT 7:7

hatü hayü büpa peipai mon nevai, shejao büpai am jung eshi nyiushem meihüpü shah homeiyao ham nyiushem meihüpeih. Büpai hamphong kü am ongyangpü, am theppüyoungpü, ammi ngei kü nyakpükenpü eküpü nangkü ngei nyeishi mongongpeih.

2 KORINT 7:14

Am nangkü ngei büpa touei changmeipeih, hatü ammi ngei mongnemanghü, shejao hami am kü epü lemphü shahhing vaipü keiha hami am nangkü Titus touei changmeipeyü shahhing nyüke.