2 KORINT 7:10 - DAÜLANGPÜ LAIHING (BSI)

¹⁰ Mehenangkü Kahvang deihshi mongmangpeyü yemleipü touei mühen mong leppü vamhünyeih, hatü mongmangei nenyunyih, shejao kahdoknyü mongmangi dipü vamhünyeih.

2 KORINT 7:10 Referans Kwoze

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

2 SAMUEL 12:13

Hahepak kü Davidi Nathan kü, “Ngei Shembüpa khüei mang thahteke” shei e. Nathani jangei, “Shembüpai nüngei mang yahlangteke. Nüng nedipih.

LUK SHAHSHA APPÜ 18:13

Shejao lat thaibüi tailei yaongtü, vangsho philei dangkao ngangei nevei-i büpalei jaaba kü daüpei, “Kahvang, ngei keipü mang shennyak kü phahjishih!” shei phop.

LUK SHAHSHA APPÜ 15:10

Hapakei ngei am kü enyeih, mang shennyak hük mong lepei leijü Kahvangei vangsho phongshanthü nyupü shingei mongong longpü nyüke.”

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

HEBREW 12:17

Hapheikü mechem büpai moihiman mükjüp yahhüpa, büpa kü ha neshuoh shei ammi nying. Büpai mükphi yenei moihiman yemjao chepalei mong yeiyahühen lem nedang.

KANDOK 17:22

Mongongmonglepü mongdangü meli meipü; shejao tendaipü laanghai vangni ütüknyeih.

JONAH 4:9

Shejao Kahvangi Jonah kü, “Ümvü nangkü nüng mongshihhen jiüpü je?” shei e. “Hejema, ngei dihen mü mongshih-ei hih” shei büpai e.

1 SAMUEL 30:6

Davidü longpü vongshüh kü nyu; peüi büpa kü yaongi shükei jühen eteiyei nyu; mehenangkü nanglakthü kemei laophülei nyüha hapeüthü nangkü longi shahyaki deihshi nyu. Shejao Davidi Shembüpa Kahvang leipü wong dangteke.

2 KORINT 12:21

Shao mechem ngei am touei peihenshang, ngelei Kahvangi ngei am touei maanei leihühen, hatü üami shelei mang thahtü jomi dükpü nedaünelang, mükbongjuyung, shahkung mangpü kübü mong nelep, hathü longi nangkü ngei mongkü tünghen mü shiühen khih shei ngei yingei deihnyüke.

MATHI 26:75

Hahepak kü Jisui büpa kü, “Ou gashekü nüngi ngei jempa nelah-aokpih” shei eshuohpü deih-ei dang, hatü büpa daiyei shahyaki thep.

JONAH 3:8

Shejao shennyak hatü yemhimak peü kü dhoila ashak ümhütuh, hatü peüi shülangi Kahvang kü nyüktuh. Peüi laophülei mang lem hatü depülaopü yakphongtuh.

EZEKIEL 7:16

Ha kübü yangei daipüthü laophülei mang nangkü kahji leipü athuba keiha kahshangei mahng thepei nyuhen.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

KANDOK 18:14

Tüngpü hepak kao ngei meihen shei laang monglongjema, meihen; shejao ngei sheyü hajük khih shei laang mahdaijema, monglemhenü jaangdaiteke.

KANDOK 15:15

Taopathülei nyihthü kemei tok vainyeih, shejao mongongpü mongdangü nedoh-i mopükei nyunyeih.

KANDOK 15:13

Mongongpü mongdangi dhe ngaihünyeih, shejao mongmangpü mongdangi laangha mangtüknyeih.

1 ONGPATHÜ 21:4

Jezreel am Naboth-i, “Obülei mükjüp nüng kü neshuohpih” shei büpa kü eshuohpü nangkü longi mongmangei, hatü mongshih-ei shemei leiteke. Büpai lüngei dhe shouk lemei meetü hah-ao nehah-i lemshi nyu.

2 SAMUEL 17:23

Mechem Ahithopheli büpai epü shahnying neyah-ang shei nyingpa, büpai laophülei gadu kü uotü shem yemei lei, hatü shem meishi jungei tuhphongtü büpa bakla kü phenei di. Büpalei mahng chepalei mahngchongei vü.

2 SAMUEL 13:4

Büpai Amnon kü, “Nüngü ongpalei ha hih shei nepjeih dheha ne-aongi mon eenyüke. Nüngi ngei kü ha ne-ephahen je?” shei phe. Amnoni büpa kü, “Ngei ojeilei chenaü Tamar longi lümangke” shei e.

KAHBHAO 30:1

Mechem Racheli Jakob kü naü hükao nebühja shei veiaokpa, pinnyüi chenya kü mükhakei deih. Hanangkü pinnyüi Jakob kü, “Ngei kü naü yahshih, hei nevaijema ngei didaihen hih” shei e.

MENVIH KESHO 38:18

Ngei ngelei mang lahnyeih; ngelei mangi ngei ponghahnyeih.

CHONGVENBÜ 7:3

Nyipü leimeyü mongmangpü-üng meipüba; Mehenangkü mongmangpü dheyü mongdang shingvaishi meipeih.

2 KORINT 7:9

Shaang ngei mongongnyeih; hapayü am mongmanghüpü nangkü nevai, shejao am mongmangpai mong leppü lemei müteke; mehenangkü hami am kü mongdin vaihen mü meheyao ten nedük; am mongmangpeyü Kahvangi mongpü hük nyuteke.