2 KORINT 6:8 - DAÜLANGPÜ LAIHING (BSI)

⁸ dhüm kohpü hatü nekohpü, menten hatü menmei kü munenei hutepeih. Hamphong keyü shahshem epü am kü kei nopeih, shejao hami shahhing epeih;

2 KORINT 6:8 Referans Kwoze

MATHI 27:63

“Longpüba, hapa peileipai yemmü nyushi, ‘Ngei nyih jem angtü yangei leikahen’ shei epü deih-ei dangnyüke.

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

PHONGSHANTHÜ DOU 28:22

Shejao nüngi mehe deih, hami nüng leipü danhahhüangke; mehenangkü hapa khong nangkü peüei khüei langmaanpü hami nyingnyüke” shei e.

PHONGSHANTHÜ DOU 24:5

Hami hapa shennyakü shanghah ngaibü shei nyingei nyüpeih; kahdoknyü peülei Jehoda am mü mophicheü ngainyüke. Büpayü Nazarene khong kü mübü hih.

3 JOHAN 1:12

Peüi Demetrius meipü jung denpü enyüke, hatü hayü shahhing nyüke. Hamiyao büpa jung denpü shuohnyeih, hatü hami denpeyü shahhing shei nüngi nying.

HEBREW 13:13

Shejema jenao baümtap haolei daishah hatü büpai nenpü shangpong koshah.

ROM SHAHSHA APPÜ 3:8

“Shejema mei vamhen shingvaishi jeni ten dükshah” shei mehekei ne-enya? (Hanei ami hami ha epeih shei vüshih-ei eteke.) Jomphongü nyonghühen shangteke!

PHONGSHANTHÜ DOU 22:12

Ananias shei menpü shennyak hük, shahkungnyü kü jiüshi vaipü hatü halei nyupü Jehoda am peüi büpa nang meishi epü shennyak hük;

PHONGSHANTHÜ DOU 16:39

Hanangkü jomphong peiyei jiji kü mang lah, hatü jomi jiji ngaiyei hapa chingnyü kübü lüdaishih shei e.

PHONGSHANTHÜ DOU 10:22

“Veshan kho hük shak kü mübü Kornelius-i hamphong shompeih. Büpayü daülangpü hatü Kahvang nyempü shennyak hih. Jehoda am peüi büpa kü longi dhüm shuohnyeih. Nüngi mehe e büpai ha banghen shingvaishi daülangpü vangsho phongshani nüng jomei shemei nyükhen eshuohpüja” shei jomphongi jangei e.

PHONGSHANTHÜ DOU 6:3

Hanangkü jeihinaüthü, amphong khong kübü menmei kohpü, Laangha hatü kihikoni maei nyupü jetuh, hatü hami jomphong kü hapa dousho kotü tuhhen,

PHONGSHANTHÜ DOU 5:13

Shennyakthüi jom jung longi meishi eteijao üpaiyao jomphong mü neshep.

PHONGSHANTHÜ DOU 4:21

Shao jiji kü nyemshao pheikü jiji leitük; jiji kü hanghi shuohhen meheyao lem nedang; mehenangkü nanglakthü peüi mehe vampa, ha shingvaishi Kahvang men vih-ei nyuteke.

JOHAN 7:12

Büpa nangkü khong longi langmaanteiyei nyu. Hanei ami, “Büpayü shennyak mei hih” shei e, haneiyü, “Nevaipih, büpayü mih luhahnyüke” shei e.

MARK 12:14

Jomphong peiyei büpa kü, “Nyuhbü, nüngü longi shahhing epü shennyak, nüng mih-ei yawh kü neshünyu, hatü baong hanei nenonyu, shejao shahhing aimü Kahvangei lem nyuhnyüke. Ongpa kü lat shuohhen shahkung kü jiüpü hi nejiüpa?

MATHI 22:16

Hanangkü jomi büpa touei jomei nanglomthü Herodei nanglakthü mü shomei e, “Nyuhbü, nüngü longi shahhing epü shennyak, hatü shahhing aimü Kahvangei lem nyuhnyüke, hatü üpa kao dhüm neshuoh-i nenyunyu; nüngi shennyakthü kü baong hanei nenonyu.

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

1 TIMOTI 3:7

Büpa mih-i nenaamhahhen mü hatü kahshihlei tai kü nemanhen shingvaishi attoi haolei nyupüthü touei menmei kohpü vaihen vongbong.

2 KORINT 1:18

Shejao Kahvangü shahhing vaipü nangkü am touei hamei shah-ü, “Hih hatü nevai” shei ne-e.

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

2 KORINT 11:21

Hami ha dükhenü longi wong nekoh shei ngei veüyaki enyeih. Shejao hanei ami lemhük kü changmeihen mü nyujema, ngei ngapa hük keiha enyeih– ngeiyao ha kü changmeihen nyüpeih.

2 KORINT 12:16

Ngei am kü hanggovih nevai shei ammi lekei nyingnyüke. Shejao hanei ami ngei glüp kohpü nangkü ngei am lueilemei yahlangpeih shei ehen.

1 THESALONIKA 2:3

Mehenangkü hami baongpü shahjangmeiyü lueilempü nevaijü nedaüpü chudeih nevaijü glüp kohpü kübü nevamnyih,