2 KORINT 6:6 - DAÜLANGPÜ LAIHING (BSI)

⁶ daülangpai, danaokpai, inyainyempai, shinshangpai, laangha kü daülangpai, hingshangi bampai,

2 KORINT 6:6 Referans Kwoze

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

GALATIA 3:5

Ammi shahkungnyü dükpü nangkü Kahvangi am kü Laangha shuoh-ei yashanpü douthü dükpü hi nevaijü ammi danpü kü hinglempü kü dükpa?

2 KORINT 12:15

Am shingvaishi ngei angpü lemphü hatü ngeiyao omshi tükhen. Ngei am kü longi bampü nangkü ammi ngei kü maani bamhen je?

2 KORINT 11:11

Mehekei? Ngei am kü nebamnyu hiang? Ngei bampü Kahvangi nyingnyüke.

2 KORINT 11:6

Epü kü ngei meishi netemnelempü vaihen aok, shejao nyingpühingpü phikü nevai; hingmei lem peü kü hatü dou peü kü hami am kü ha lekei hutepih.

2 KORINT 11:4

Mehenangkü hanei ami am touei peiyei hami chongvenpü Jisu jung mü lenei lebü jisu jung chongvenphüjü, nevaijü ammi yahpü laangha mü lenei lebü laangha jung nyuhphüjü, nevaijü ammi yahpü shahjangmei mü lenei lebü shahjangmei chongvenphüjü ammi hapayü temtüktü nyupükei yahnyüke.

2 KORINT 7:2

Ammei mongdangei ham shingvaishi shing lingtuh. Hami üpayao nepunghü, hami üpayao netentük, hami üpa kao ne-ühing.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 3:3

Amphongü ham chongphopü homei shompü Khristalei lai shei hunyüke; hapayü shiai yah-ei nenyang, shejao vanyangyem Kahvang Laanghai yaongba kü nevai, shejao hangkulei mongdang kü nyangpeih.

2 KORINT 2:4

Ngei shelei am kü nyangpeyü mongshang longpü hatü mongei mongmang longpü mü mükphi longi yenei nyangpeih; hapayü am mongmanghühen nangkü nevai, shejao ngei am kü bampü longpü nyinghühen shingvaishi hih.

1 KORINT 13:4

Bampai nenteiaoknyeih; bampai yahyang shinshangnyeih; bampai mük nehühnyih; nevaijü bampai awdaei, nevaijü changmeiyei,

1 KORINT 2:16

Laihingi enyüke: “Büpa kü nyuh-aokhen mü Shembüpalei mong nyingpü üpa nyüpa?” Shejao ham kü Khristalei chudeih mongdang nyüpeih.

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

SHAHPHENBÜTHÜ 16:15

Hahepak kü pinnyüi büpa kü, “Nüngi ngei kü bamnyeih shei mekei enya? Hapai jempabü nüngi ngei kü shahshemi lueilempeih hatü nüngi wong mekei dangnya, ha ngei kü ne-epeih” shei eteke.

1 JOHAN 3:18

Maanpü hashihthü, jeni shah-i nevaijü epai mon nebamshah, shejao shahhing kü hatü doui bamteishah.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

1 THESALONIKA 2:10

Am vaipüthü touei ham mekei daülangi, jiüshi hatü eela neshiüi nyupa, am hatü Kahvangao ha denbü nyüke.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

EPHESIA 3:4

ha iepai Khristalei shahjo ngei nyingaokpü jung ammi nyingaokhen hih.

GALATIA 3:2

Ngei am leipü nyinghüpü dou hükü ha hih: Ammi Laanghayü shahkungnyü douthü dükpai dangpü hi nevaijü ammi danpü kü hinglempai dangpa?

1 KORINT 2:4

Ngei epüsheipü hatü venpü peü yawhpüyangpü kihikon shah nevai, shejao Laangha hatü ngan hupü kü nyupeih,

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,

1 TIMOTI 5:2

nyüyongthü kü laophülei nyü kü kei, hatü nelathü kü laophülei naüpeü kü kei daülangshemshepai etuh.

KOLOSI 2:3

Büpa kü kihikon hatü nyingpühingpü mop peü jaoshi nyüpeih.

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

2 KORINT 1:23

Shejao am yanghen nangkü ngei nyipabü Korintlei nepeipeih shei ngei Kahvangü ngelei denbü vaishi nyüknyeih.

2 KORINT 2:10

Ammi üpa kü mang tük, ngeiyao mang tüknyeih. Lemhük mang tükhen nyupü kü ngei mang tükpü vaijema ammei men kü Khrista touei mang tüktükpeih.

2 KORINT 13:10

Hanangkü ngei am touei nenyupü hepak kü ngei hathü dou jung nyangnyeih, shejüang mechem ngei am touei peihen, am mangtükhen nangkü nevai, shejao lingei leihen shingvaishi Shembüpai ngei kü shuohpü wong noshingkü mangshi nenohen.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.