2 KORINT 6:4 - DAÜLANGPÜ LAIHING (BSI)

⁴ shejao lem peü kü ham nyingi Kahvang chongphobüthü shei shangpong kü, ponghahpü kü, vongshüh kü,

2 KORINT 6:4 Referans Kwoze

2 KORINT 12:10

Ha vaipü nangkü Khristalei men kü, wong nekohpü kü, yaüeilungpü, ponghahpü, shüveidoidei hatü vongshüh kü ngei mongongnyeih. Mechem ngei wong nekoh, shejüang ngei wong kohnyeih.

2 KORINT 4:8

Ham peü lemei shangpongpeih, shejao nengümtük, üathama kü nyu, shejao lahan mong mahdaitü nenyu,

2 KORINT 11:27

Dou dükpü hatü ponghahpü, neshinechongpü longi, aeipülepü, düngei hahying neshiüi, wohongei bümkong nyupeih.

2 KORINT 12:12

Hingshangpü phongshan hük sheiyü yashanyale, thamapü hatü nyangeihepü longi dükpai lekei hutepih, hatü ngei hathüyü longi nenteiaokpai dükpeih.

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

SHAKEI VAMPÜ 3:10

Mehenangkü ammi ngelei shah munenei bangteke; kahdoknyü kü nyupüthü peü touei dokhen hepak hük ngoikünyüke, ha dokpü hepak kü ngei am yangei tuhhen.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

2 TIMOTI 4:5

Shejao nüng payü düngei ungei-aeiyei nyutuh, tok vaipü munentuh, chongvenbülei dousho düktuh, nüngei chongphopü dousho den ngoiyei düktuh.

2 TIMOTI 2:24

Shembüpalei chongphobü hükü nedenelaohen vongbong, shejao peü kü shinshanghen, nyuh-aokpü, nenteiaokpü,

2 TIMOTI 1:8

Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

1 TIMOTI 2:15

Shejao jomi hinglempü hatü bampü hatü daülangshemshepü kü dei-aei meishi nyujema pinnyü hapeü angpai yanghen.

1 THESALONIKA 5:14

Jeihinaüthü, vaükpüthü kü shahvüng shuohtuh, mong laaidaipüthü mongyanghütuh, wong nekohpüthü kü sheütuh, peü mü nenteiaoktuh shei hami am kü nangthongnyeih.

1 THESALONIKA 3:7

Hanangkü jeihinaü hatü nyahinaüthü, ham ponghahpü hatü shüveidoidei kü nyuyang peü kü am hinglempü homei am nangkü ham kü mongnang thongteke.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

2 KORINT 11:23

Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

2 KORINT 11:9

Mechem ngei am mü nyupa, ngei napü hepak kü amphong üpa kao hanggovih neshuoh; mehenangkü ngei napü peü Macedonia leipü peipü jeihinaüthüi shuohpeih. Hanangkü mehe lem vaihen vaijao ngei am kü hanggovih neshuoh hatü shao-üng neshuohhen.

2 KORINT 7:11

Kahvang deihshi mongmangpai meshük mong kü ketpü, meshük am daülangi nyuhen monghumpü, meshük ten khüei mongshihpü, meshük thaeimapü, meshük ongyangpü, meshük nyakpükenpü, meshük shahhing dükpü eehen tempülempü vamhüpa, ha kü veituh. Lemphü phikü am nyingi pungpü neshiü shei huteke.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

1 KORINT 9:11

Hami am kü laangha li haiphei vaijema, hami am leipü mop danghenü ahshi ahdaipü je?

ROM SHAHSHA APPÜ 16:10

Khrista kü yah-aokpü Apelles kü selam ete. Aristobulus am shem kü selam ete.

ROM SHAHSHA APPÜ 14:18

mehenangkü üpai hapakei Khrista chongphonya, büpai Kahvang mong hahhünyeih hatü shennyaki meiangke shei yahnyeih.

ROM SHAHSHA APPÜ 5:8

Shejao Kahvangi bampü jen kü büpai hupeyü jen nedoh-i mang kü nyushi Khrista jen shingvaishi dipeih.

PHONGSHANTHÜ DOU 20:34

Ngelei nadang kempü hatü ngelei küphüthülei nadang peü shingvaishi ngei ngelei laki dou dükpü am nyingi nyingei nyüke.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

PHONGSHANTHÜ DOU 2:22

Israel am, ngei mehe ephahen bangtuh: Nazareth am Jisu-ü Kahvangi yahpü shennyak hük amphong touei yashanyale, thamapü hatü nyangeihepü homei Kahvangi am kü büpa homei dou dükpü am nyingi nyingei nyüke.

LUK SHAHSHA APPÜ 21:19

Am munenpai ammei laangha yanghen” shei e.

JOEL 1:9

Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

ROM SHAHSHA APPÜ 3:5

Shejao jen nedaünelangpai Kahvang nyeinya daülangshemshepü huaokjema, jeni mehe ehenang? Kahvangi jen kü hanghi shuohpeyü nejiü shei eaokhen je? (Ngei hayü hangkulei shahlem aimü enyeih.)