2 KORINT 6:10 - DAÜLANGPÜ LAIHING (BSI)

¹⁰ mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

2 KORINT 6:10 Referans Kwoze

JOHAN 16:22

Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

1 THESALONIKA 1:6

Ammi ham hatü Shembüpa kapiteke; ammi shüveidoidei pongjao Laangha Daülangpai shuohpü mongong mü ammi shahjangmei mongongshi yahteke.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

ROM SHAHSHA APPÜ 11:12

Shejao jom huluh shuohpai kahdoknyü shingvaishi moihiman vaijema, hatü jom lomohpai Kung am shing moihiman vaijema, jom peü omjü meshük longpü moihiman vaihen!

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

2 KORINT 4:7

Shejao jenei hapa haümdük kü hapa mop nyüpeih, shejüang peü mü nyeipü nganü jen leipü vampü nevai, shejao Kahvangei shei lekhünyüke.

2 KORINT 2:4

Ngei shelei am kü nyangpeyü mongshang longpü hatü mongei mongmang longpü mü mükphi longi yenei nyangpeih; hapayü am mongmanghühen nangkü nevai, shejao ngei am kü bampü longpü nyinghühen shingvaishi hih.

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

ROM SHAHSHA APPÜ 12:15

Mongongpüthü mü mongongtuh; theppüthü mü theptuh.

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

LUK SHAHSHA APPÜ 6:21

Shaang am aeipüthü moihiman, mehenangkü am shümoh meihen. Shaang am theppüthü moihiman, mehenangkü amphong nyihen.”

MATHI 5:4

Mahng theppüthü moihiman; mehenangkü jom nyiushem meihen.

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

1 THESALONIKA 5:16

Düngei mongongtuh;

PHONGSHANTHÜ DOU 3:6

Shejao Peteri büpa kü, “Ngei hon nevaijü ngin neshiü, shejao mehe ngeilei nyu, ngei nüng kü shuohshah; Nazareth am Jisu Khristalei men kü yaongtuh hatü kamtuh” shei e.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

EPHESIA 3:16

Büpalei müknyinshekhang mop shangshi, büpalei Laangha homei büpai ammei mongpa shennyak wong kohhühen ngan shuohhen nangkü,

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

2 KORINT 4:15

Hih, lemphüli am nanglei danghen shingvaishi nyüke, shejüang hapa phahji nanglak nyeipüba nyeipüba touei yanei daishingkü Kahvang müknyinshekhang shing menvih nyeinya dahen.

1 KORINT 1:5

mehenangkü lem peü kü– epü kü, nyingpü kü hatü lemphü kü büpa mü mongjemei am shemmei leiteke.

ROM SHAHSHA APPÜ 9:2

Ngei kü mongmang longpü hatü nedoh-i mongkü tüngpü ngelei mongkü nyüpeih.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

PHONGSHANTHÜ DOU 16:25

Nyak jiam kü Paul hi Silas nyi Kahvang kü phopei hatü kesho lokei nyu, hatü khoklatei küppüthüi jiji kü bangei nyu.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

KANDOK 13:7

Hanei ami meheyao neshiüshiüi lemphü angpükei hunyüke; shejao lebü hanei-i lemphü angtü taopa kei hunyüke.