2 KORINT 6:1 - DAÜLANGPÜ LAIHING (BSI)

¹ Jen chemi büpa mü dou dükshingkü Kahvang phahji angkong kü neyahhen hami am kü enyeih.

2 KORINT 6:1 Referans Kwoze

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

1 KORINT 3:9

Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

1 PETER 4:10

Kahvangei phahji longpü kü khei vaibü meipü hük keiha ammi mehe mehe thintho dangtepa, hapai hüki hük chongphoteituh.

GALATIA 2:21

Ngei Kahvang phahji wong neshiüi neleitüknyih; mehenangkü dahshakpeyü shahkungnyü homei peipü vaijema, Khristayü angsha kü dipü vainyüke.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

GALATIA 3:4

Ammi angsha kü hajükjük nyingpü je? Hayü hingmei angkong kü je?

PHONGSHANTHÜ DOU 14:3

Hanangkü jiji halei Shembüpa jung wong kohshi eyei, büpalei phahji jung jijinyi-i denpeyü hingshangpü shei nyangeihepü hatü yashanyale jom homei dükei hepak luangi nyu.

TITUS 2:11

Mehenangkü peü kü yemleipü koei peipü Kahvang shakei vamteke.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

JEREMIAH 8:8

Ammi mekei etü, “Ham nahshi nyüpeih, Shembüpalei shahkung ham mü nyüpeih” shei eaoknya? Shejao veituh, nyangbüthüi nejiüi nyangei shahshem leitükpeih.

1 SAMUEL 14:45

Shejao nanglakthüi Saul kü, “Israel kü aokpü longpü danghüpü Jonathan jütükhen je? Hapakei nevai! Vanyangyem Shembüpalei men kü vangei enyeih, büpalei shangjing kübü sholah hükao nevüshihpih; mehenangkü Kahvangi sheühpü homei büpai ha dükpeih” shei e. Hanangkü nanglakthüi Jonathan nejütüki yangei tuh.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

1 THESALONIKA 3:5

Ha vaipü nangkü ngei ha nenaokpü nangkü am vaipü jung nyinghen büpa am touei shompeih; dokpü ami am kü dokpai hami dükpü dou angsha vaidaihen khih shei yingei deihküpeih.

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.