2 KORINT 5:15 - DAÜLANGPÜ LAIHING (BSI)

¹⁵ Üam yemmü nyu, hajük kü laophü shing nenyuhen, shejao üpa di hatü jom peü shing yangei lei, büpa nangkü nyuhen shingvaishi büpa peü shing diteke.

2 KORINT 5:15 Referans Kwoze

KOLOSI 3:1

Hanangkü amphong Khrista mü dipü kübü yangei leipü vaijema, shangphi leipü douthü, melei Khrista Kahvangei lakdah philei uoshi nyu, ha yemtuh.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

1 JOHAN 4:9

Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

GALATIA 5:25

Jen Laangha kü nyujema, jen Laanghai mühüshah.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

1 PETER 4:6

Ha tata kü didaipüthü kü dangkao shahjangmei baongpeih; shejüang jomphong kü phai kü shahphentükjao Kahvang yemmü nyupükei jomphongao laangha kü yemmü nyuhen.

1 THESALONIKA 5:10

Büpa jen shing di, hanangkü jen yemmü nyujao nevaijü didaijao jen büpa mü chemi nyuhen.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

LUK SHAHSHA APPÜ 1:74

Hamei vepathülei lak kübü ham yanghen,

SHAKEI VAMPÜ 1:18

hatü yemmü nyupü hük. Ngei diyei nyuteke, hatü veituh, ngei den dok kü den yemmü nyüpeih, hatü ngelei lakei Dipü hatü Yimching sabi nyüpeih.

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

1 KORINT 10:33

Jom yanghen nangkü ngei dükpü lemphü kü ngei meihen nevai shejao longshi shing meihen nangkü ngei dükpükei ami düktuh.

KOLOSI 3:23

Ammei dou mehe nyu, hapa kü shembü kü düknyu keiha nevai, Shembüpa kü düknyu kei kenei düktuh.

KOLOSI 2:12

Mechem amphong büpa mü baptükpü kü mahng vüpa, büpa dipü kübü yangei leishihpü Kahvang ngan kü hinglempü homei amphongao büpa mü yangei leiteke.

ROM SHAHSHA APPÜ 8:6

Phai kü mong shuohpeyü dipü, shejao Laangha kü mong shuohpeyü yangnyu hatü chingmei.

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

JOHAN 6:57

Vanyangyem Opa-i ngei shompü keiha, hatü ngei büpa homei nyupü keiha, üami ngei hahhen, ngei homei mon nyuhen.

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

ZEKHARIAH 10:9

Ngei jom jatthü touei yantüklangmao, tailu kahdokeiyao jomi ngei deih-ei danghen, jom hatü jomei hapeüthü yangei nyuhen, hatü müeileihen.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

EPHESIA 5:14

mehenangkü eehen mü vampü lemphüli vangngai. Hanangkü ha enyüke: Oh shipü shennyak, paotuh! Dipü kübü yangei leituh, hatü Khristai nüng kü vangngaiphahen.

ROM SHAHSHA APPÜ 8:10

Shejao Khrista nüng kü nyujema, mang nangkü büm didaijao daülangshemshepü nangkü laanghayü yemmü nyüke.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

EZEKIEL 37:14

Ngei am kü ngelei laangha shihphahen, hatü am yem tuhphonghen; shejüang ngei, Shembüpai ha eteke, hatü ha dükkahen shei ammi nyinghen shei Shembüpai enyüke.

ROM SHAHSHA APPÜ 6:2

Lanshei nevai! Mekei etü jeni mang kü didaishuoh pheikü jeni ha kü nedoh-i nyuei daihen?

EZEKIEL 37:9

Hahepak kü büpai ngei kü e, “Ngü kü teteivanei etuh, shennyak ha: vaungjung ali kübü vanglük peikei hatü yem leihen shingvaishi hathü mahng kü ngü heeyeishuoh shei Shembüpa Kahvangi enyüke.”

EZEKIEL 16:6

Ngei am peih-ei daishingkü amü iy kü hüngshi eepeih. Amü iy-i mon hoitü nyupeih, shejao ngei am neditük.

2 ONGPATHÜ 5:17

Hanangkü Naamani, “Nüngi ngelei laklei neyah-ü shei ejema, gadu nyi kosham kahdok shoei shemei leihahnüng yahshih; mehenangkü sheyü nüngei chongphobü ngei hajük kü Shembüpa mü lenei lebü Kahvang kü moila neshuohpih.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

2 KORINT 12:10

Ha vaipü nangkü Khristalei men kü, wong nekohpü kü, yaüeilungpü, ponghahpü, shüveidoidei hatü vongshüh kü ngei mongongnyeih. Mechem ngei wong nekoh, shejüang ngei wong kohnyeih.