2 KORINT 5:14 - DAÜLANGPÜ LAIHING (BSI)

¹⁴ Khrista bampai jen kü vanglem lemnyüke; mehenangkü peü shing shennyak hük di shei hami nyingteke; hanangkü peü diteke.

2 KORINT 5:14 Referans Kwoze

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

ROM SHAHSHA APPÜ 5:15

Shejao ang kübü thintho-ü mang kei nevai. Mehenangkü shennyak hükei mang homei longi dipü vaijema, hingmei Kahvang phahji hatü shennyak hük, Jisu Khristalei phahji kü ang kübü thintho longi shingvaishi nyeinya changshi nyüpeih.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

2 KORINT 3:9

Nyonghüpü dousho kü müknyinshekhang nyujema, hangku dahshakhüpü dousho kü meshük nyeishi müknyinshekhang bhashahshi nyuhen!

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

1 TIMOTI 5:6

shejao vaümnyü üpai phai mongonghen shingvaishi nyunya, pinnyü-ü yemmü nyujao mahngchang khih.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

1 TIMOTI 2:6

Büpai laophü nying hangku peü angei leihen bhei shuoh, hatü hapayü jiüpü hepak kü denpü shuohteke.

KOLOSI 2:13

Mechem amphong mang kü phai kü nejapi dipa, büpai jenei mang kemei tüktüktü büpa mü Kahvangi am yangei leishih.

EPHESIA 6:24

Jenei Shembüpa Jisu Khrista shingvaishi mechemao nemahnemenpü bampü nyupüthü peü kü phahji nyute.

JOHAN 11:25

Jisui pinnyü kü, “Ngeiyü yangei leipü hatü yangnyuyem. Üpai ngei kü hinglem, jom dijao yemmü nyuhen,

SOLOMONEI KESHO 1:4

Ngei nüng mü mühahtuh; ji shülangshah! Ongpai ngei büpalei dung-amei mülangpeih. Hami nüng kü mongonghen, hatü mongmeihen; Hami yiü mao nyeishi nüngi bampü jung vihhen; jomi hingmei nüng kü bamnyeih.

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

LUK SHAHSHA APPÜ 15:24

mehenangkü ngelei hapa hapeü didai-i nyuteke, hatü yangei leiteke; büpa mahdai-i nyuteke, hatü dangteke!” shei e. Hapheikü jomphong mo mohen pang.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

2 KORINT 3:7

Shaang dipü koei peipü chongphopü dousho mepa yaong kü kukei nyangtepa, hapa müknyinshekhang kü peishingkü hapalei müknyinshekhang shaang yimdaiyaki Israel ami Mosalei dhe kü ngangei neveiaokjema,

ROM SHAHSHA APPÜ 2:2

“Hapa keipü dou dükpüthü kü Kahvang shahphenpeyü shahhing kü jiüpü aimü nyüke shei hami nyingnyeih shei ammi enyüke.”

JOHAN 5:25

Hingmei mü ngei am kü enyeih, dipüthüi Kahvang Halei ngeü danhen, hatü ha danpüthü yemmü nyuhen hepak ngoikünyüke, hatü hayü shaang khih.

JOB SHAHSHA APPÜ 32:18

Mehenangkü ngeiyao ekahen longi nyüpeih; ngelei mongei nyupü laanghai ha ehen kangnyüke.

PHONGSHANTHÜ DOU 18:5

Mechem Silas hatü Timoti nyi Macedonia leipü ngoijapa, Paulü Jehoda am kü chongvenei Jisu-ü Messiah hih shei denpü shuoh-ei nyu.

LUK SHAHSHA APPÜ 24:29

Shejao jiji-i büpa kü kangei, “Henji mü paümdaishah, mehenangkü om dhüdaiteke hatü hepak lüdaiteke” shei e. Hanangkü büpa jiji mü paümnüng dai.

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

KOLOSI 3:3

mehenangkü am diteke, hatü ammei yangnyu-ü Khrista mü Kahvang kü joshi nyüke.

1 SHÜPPÜKENGPÜ 11:18

Hanangkü veshan jom jemi Philistia amei show benei shüei Bethlehem penyüsha yopai leipü yungkuk leipü yung shoei David touei leijateke. Shejao büpai ha nenyingi Shembüpa kü moila vaishi langteke.