2 KORINT 5:10 - DAÜLANGPÜ LAIHING (BSI)

¹⁰ Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

2 KORINT 5:10 Referans Kwoze

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

SHAKEI VAMPÜ 22:12

“Veituh, ngei lomi yiükünyeih; peü kü laophülei dou aimü shuohhen laklei ngei mü nyüpeih.

EPHESIA 6:8

aa vaijao, bümei vaijao jeni mehe doumei dük, ha kü SHEMBÜPAleipü aihük nyokei danghen nyingei düktuh.

CHONGVENBÜ 12:14

Mehenangkü Kahvangi joshi nyupü dou, meipü hatü nemeipü dou lemphüli shahphen shingei koei peikahen.

MENVIH KESHO 62:12

hatü bampeyü nüngei, Oh Shembüpa. Mehenangkü laophülei dou aimü nüngi peü kü shemnyeih.”

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

1 PETER 4:5

Shejao yemmü nyupü hatü didaipüthü kü shahphenhen temtüktü yaongshi nyupüba touei jomi dükpü dou jung shah-om shuohhen.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

PHONGSHANTHÜ DOU 10:42

Büpai hamphong kü nanglakthü kü chongvenhen, hatü büpayü yemmü nyupü hatü dipüthülei shahphenbü vaihen Kahvangi jepeih shei denpü shuohhen shahkung shuohpeih.

JOB SHAHSHA APPÜ 34:11

Shennyaki mehe dük, ha kü büpai nyokei shuohnyeih, hatü laophülei doui shangpü kei büpai shuohnyeih.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

EZEKIEL 18:30

Oh Israel am phang, ammei lemthü aimü ngei ammei shahphenhen shei Shembüpa Kahvangi enyüke. Mong leptuh! Ammei mang kübü nyokei leituh; shejüang mangi am nevüshihhen.

1 ONGPATHÜ 8:32

nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

ROM SHAHSHA APPÜ 6:19

Ammei nyingnyoi yangnyu wong nekohpü nangkü ngei hangkulei shah-e vanglem aimü enyeih. Mehenangkü chem hepak kü ammi ammei phaihan nedaünelangpü hatü longpüba mangei aa vaihen shingvaishi shuohpükei shaang daülangshemshepülei aa vaihen nangkü daütükhen shingvaishi ammei phaihan shuohtuh.

1 SAMUEL 2:3

Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.

2 KORINT 7:3

Ngei hayü am nyonghühen nangkü ne-enyih; mehenangkü chemi dihen, chemi nyuhen mü amphongü hamei mongei nyüpeih shei ngei shelei ephei.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,