2 KORINT 4:6 - DAÜLANGPÜ LAIHING (BSI)

⁶ Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 4:6 Referans Kwoze

ISAIAH 60:2

Veituh, kahdok kü shangmangi jümshi nyüke, hatü nanglakthü kü phumnyaki jümshi nyüke; Shejao Shembüpa am mü yaongnyüke, hatü büpalei müknyinshekhangi am kü khangnyüke.

KAHBHAO 1:3

Hapheikü Kahvangi, “Vangngai vamtuh” shei e, hatü vangngai vam.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

JOHAN 11:40

Jisui pinnyü kü, “Nüngi hinglemjema Kahvang müknyinshekhang eehen shei ngei nüng kü ne-eangpü je?” shei e.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

MENVIH KESHO 90:16

Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

MENVIH KESHO 63:2

Ngei nüng daülangpü shingei eetepih, nüngei ngan hatü müknyinshekhang kü veitepih.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

PHILIPPI 2:6

Nyingnyoi-i büpa Kahvang vaijao, wongi leetei Kahvang mü hükkeipü shei büpai nedeih,

JOHAN 12:41

Isaiah-i hapa epeyü büpai Jisulei müknyinshekhang eepü nangkü büpa nang epeih.

MENVIH KESHO 74:16

Nyihnüng hatü yanüngü nüngi lingpeih, nüngi lennyü vanghe jomei shingkü lingei tuh.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

ISAIAH 35:2

Kolap chü keiha hapa punghen; hapa longi mongonghen hatü mongongpai lenhen. Lebanon amei müknyinshekhang, Karmel hatü Sharon nethe meipü hapa kü shuohhen. Jomi Shembüpalei müknyinshekhang, hatü jenei Kahvang nethe meipü eehen.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

2 KORINT 2:10

Ammi üpa kü mang tük, ngeiyao mang tüknyeih. Lemhük mang tükhen nyupü kü ngei mang tükpü vaijema ammei men kü Khrista touei mang tüktükpeih.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

HEBREW 6:4

Chem üami Kahvangei vangngai kü nyuei vangsho amei thintho kü jepei veitü Laangha Daülangpü kü hean yahtü,