2 KORINT 4:16 - DAÜLANGPÜ LAIHING (BSI)

¹⁶ Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

2 KORINT 4:16 Referans Kwoze

ISAIAH 40:31

Shejao üami Shembüpa kü omdannya, jomi wong ja danghen. Jomi alangthü kei shangei piyei aonghen; jomi mokhen, shejao nenyiuhen, jom kamhen, shejao la nemeihen.

KOLOSI 3:10

hatü Lingbülei lajei aimü nyingpühingpü kü ja leiyei shennyak ja owteke.

ISAIAH 40:29

Büpai nyiupünangpüthü kü wong, hatü wong nekohpüthü wong kohhünyeih.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

MENVIH KESHO 73:26

Ngelei büm hatü ngelei mongdang wong nekoh-i leidaihen aok, shejao Kahvangü ngelei wong, ngei düngei napeyü büpa mon.

EPHESIA 3:16

Büpalei müknyinshekhang mop shangshi, büpalei Laangha homei büpai ammei mongpa shennyak wong kohhühen ngan shuohhen nangkü,

ROM SHAHSHA APPÜ 7:22

Mehenangkü ngelei mong mongpalei ngei Kahvangei shahkung kü mongmeinyeih,

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

MENVIH KESHO 27:13

Ngei shaang thahshi ha kü monglemnyeih: Yemmü nyupü kahdok kü ngei Shembüpa meipü eehen.

1 PETER 3:4

Haleimeyü, ammei owhiaiyü mongpa leipü vampü inyainyempü hatü nenaokpü laangha den kü nyuhen dhemeilaüma, mepa Kahvang touei douvang nyüpa, ha nyuhütuh.

EPHESIA 4:23

hatü laangha kü ammei mong ja leihen,

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

2 KORINT 12:15

Am shingvaishi ngei angpü lemphü hatü ngeiyao omshi tükhen. Ngei am kü longi bampü nangkü ammi ngei kü maani bamhen je?

LUK SHAHSHA APPÜ 11:3

Nyihjeih hahying nyih ieyei ham kü yahshihma.

MENVIH KESHO 119:81

Nüngei yemleipü kü ngelei laanghai ongyangnyeih; ngei nüngei shah kü monglemnyeih.

JEREMIAH 45:3

Nüngi, ‘Ngeiyü onyükei! Shembüpai ngei tüngpü kü shao mongmang yahphüteke; ngei mahng thepai dihen khih, hatü mong nyiushemmei neshiü’ shei eteke.”

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.