2 KORINT 4:14 - DAÜLANGPÜ LAIHING (BSI)

¹⁴ mehenangkü Jisu Khrista dipü kübü yangei leishihpübai hamphongao Jisu mü yangei leishihhen, hatü büpa nyushingei hamao amphong mü müei daihen.

2 KORINT 4:14 Referans Kwoze

1 THESALONIKA 4:14

Jisu di hatü yangei lei shei jeni hinglem, hanangkü Kahvangi Jisu homei shiyei nyupüthü büpa mü yangei leikahen.

ROM SHAHSHA APPÜ 8:11

Dipü kübü Jisu yangei leishihpü büpalei Laangha am kü nyujema, Khrista dipü kübü yangei leishihpü büpai am kü nyupü büpalei Laangha homei ammei phai yangnyu kü yangnyuyem shuohhen.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 KORINT 6:14

Kahvangi Shembüpa yangei leishih, hatü büpalei ngani jenao yangei leiphahen.

EPHESIA 5:27

hanangkü attoiyü nethe meipü kü, ampü nevaijü khangdaipü nevaijü henüng keipü meheyao neshiüi shejao daülangi kawhikang neshiüi büpa kü shuohtuh.

2 KORINT 11:2

Kahvangi keiha ngeiyao am kü mükhüh-ei deihnyüke. Mehenangkü ngei amphongü baha hük, Khrista mü daülangpü pai mü ngühpü nela hük keiha shem yemhühen lahtüktih.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

KOLOSI 1:22

Büpai shaang büpalei phai büm kü dipü homei mongjemhüteke, hatü hapayü amphong büpa touei daülangi, eela neshiüi hatü thaüvaühen neshiüi nyuhen shingvaishi nyüke.

ISAIAH 26:19

Shejao nüngei nanglakthü didaipü yem leikahen, jomei büm yangei leikahen. Oh mahngchongei shishi nyupüthü, paotuh hatü mongongpai kesho loktuh. Nyieni nepnüng dhom mü kahdoknyü thahümahüpü keiha, Shembüpai shelei didaipüthüao yem leihühen.

PHONGSHANTHÜ DOU 2:24

Shejao Kahvangi büpa dipü hanghi kübü bümei leihüei yangei leishih; mehenangkü dipülei ngani büpa shümei netuh-aok.

LUK SHAHSHA APPÜ 21:36

Hepak peü kü am mükpaonathaei nyutuh, hatü vamkahen nyupü douthü kübü yanghen, hatü Shennyak Ha touei yaongaokhen mü phopei nyutuh.”

PHONGSHANTHÜ DOU 2:32

Kahvangi hapa Jisu yangei leishih, hatü hamphong peü hapa shahhing denbüthü hih.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.