2 KORINT 4:11 - DAÜLANGPÜ LAIHING (BSI)

¹¹ Mechem ham yemmü nyunya, hamei hangku phai kü Jisulei yangnyu eehühen shingvaishi hami düngei Jisulei men kü dihen kü lanei shuohtüknyeih.

2 KORINT 4:11 Referans Kwoze

1 KORINT 15:49

Jeni kahdok leipü shennyakei lajei kopü keiha jeni vangsho leipü shennyakei lajei kohen.

ROM SHAHSHA APPÜ 8:36

Ha nyangei nyüke: “Nüngei men kü hami helushoei dipü ponghah; hamphong keyü jütükhen mi kü kei nonyüke.”

MENVIH KESHO 44:22

Shejao nüng tata kü helushoei ham jütüknyüke; hamü jühen deipü mithü kei nyüke.

2 KORINT 5:4

Jeni hapa ashakshem kü nyuyaki jeni thepnyüpeih, hatü hanggovih chettü nyunyeih; mehenangkü jeni ne-owi nenyuhünyu; shejao jenei vangsho leipü nyushing owtü nyuhünyüke, shejüang mehe dibenüng nyu, hayü yangnyuyemi lühtükhen.

1 KORINT 15:31

Ngei nyihjeih dinyeih! Jeihinaü hatü nyahinaüthü, Khrista Jisu, jenei Shembüpa kü ngei am nangkü changmeipeyü hingshangpü.

ROM SHAHSHA APPÜ 8:11

Dipü kübü Jisu yangei leishihpü büpalei Laangha am kü nyujema, Khrista dipü kübü yangei leishihpü büpai am kü nyupü büpalei Laangha homei ammei phai yangnyu kü yangnyuyem shuohhen.

MENVIH KESHO 141:7

Yaongnyü hük bhaokei kahdok shak kü yaütükpü keiha, jomei vangtaothü mahngchong shakei yaüphonghen.

2 KORINT 4:10

hamei büm kü Jisulei yangnyu lekei eehühen shingvaishi düngei hamei büm kü Jisu dipü koshi nyunyeih.

2 KORINT 4:12

Hanangkü ham kü dipai dou düknyüke, shejao am kü yangnyuyemi dou düknyüke.

2 KORINT 6:9

peüi nyingei tuhtü nenyingteipü am kü kei nopeih; ham didainyu kei shejao veituh, ham yemmü nyüpeih; hanghi yahphüjao nejütük;