2 KORINT 3:6 - DAÜLANGPÜ LAIHING (BSI)

⁶ Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

2 KORINT 3:6 Referans Kwoze

JOHAN 6:63

Yangnyuyem shuohpeyü laangha hih; phaiyü yahlak neshiü, hatü ngei am kü epü shahthüyü laangha hatü yangnyuyem nyüke.

ROM SHAHSHA APPÜ 7:6

Shejao shaang jenphongü shahkungnyü kübü bümei leidaiteke; chem jen yepei küppü khoklat kü didaishuohteke; hanangkü nyangei nyupü shahkungnyü chang phangkü jen aa nevai, shejao Laangha yangnyu jalei aa vaihen.

JEREMIAH 31:31

Ngei Israel hatü Judah am phang mü vangpüshuwpü ja hük linghen nyih ngoikünyüke shei Shembüpai enyüke.

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

HEBREW 7:22

Hapa lahpü nangkü Jisu-ü meipü vangpüshuwpü shuohbü leiteke.

2 KORINT 3:14

Shejao jomei mong vaanei leiteke, hatü shinnyih thahshi mechem jomi hapa vangteipü chang iehenshang hapa aihük ashaki jümlangnyüke. Hapa ashakü shennyak hük Khrista kü nyujü mon tük-aokhen.

1 KORINT 15:45

Nyangei nyupü keiha, “Shongpü shennyak, Adamü yemmü nyupü yangnyu leiteke,” dohpü Adamü yangnyu shuohpü laangha leiteke.

ROM SHAHSHA APPÜ 3:20

Mehenangkü shahkungi epü douthü dükpai hangku üpaiyao büpa touei dahshakei neaokpih; mehenangkü shahkungnyü homei mang nyingpü peinyüpeih.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

LUK SHAHSHA APPÜ 22:20

Hapa hahpheikü aihük mü büpai yungshong yah-ei e, “Hapa yungshongü amphong shingvaishi yenpü ngelei iy kü vangteishuwteipü ja hük.

1 KORINT 11:25

Ha aihük mü aan hahpheikü büpai shao yungshong yah-ei e, “Hapa yungshongü ngelei iy kü vangpüshuwpü ja hük. Meshükpa ammi hapa yinghen, hajükpa ngei deih-ei dangei ha yingtuh.”

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

SHAHKÜP 27:26

“Kahvangei shahkungthü nebangpü shennyak kü thaüvaü hettuh.” Hahepak kü nanglak peüi, “Amen!” shei ehen.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

EPHESIA 3:7

Büpalei ngani dou dükpai ngei kü shuohpü Kahvang phahji thintho aimü hapa shahjangmei kü ngei chongphobü hük leipeih.

GALATIA 3:21

Shejema shahkungü Kahvangi lahpüthü khüei nyüpü je? Lanshei nevai! Nanglakthü kü yangnyu shuoh-aokbenüng shahkung shuohpü vaijema, hingmei shahkungnyü homei daülangshemshepü peiaokhen vaipeih.

2 KORINT 3:7

Shaang dipü koei peipü chongphopü dousho mepa yaong kü kukei nyangtepa, hapa müknyinshekhang kü peishingkü hapalei müknyinshekhang shaang yimdaiyaki Israel ami Mosalei dhe kü ngangei neveiaokjema,

1 KORINT 12:28

Kahvangi attoi kü shongpü kü phongshanthü, nyipabü kü thihivamthü, jempabü kü nyuhbüthü; hapheikü yashanpü dou dükpüthü, hapheikü meihüpü thinthothü, mih kü sheühpü, vanglem lempü thintho, hatü shahlem laolao epü jepeih.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

ROM SHAHSHA APPÜ 4:15

Mehenangkü shahkungnyüi mongshih koei peinyeih, shejao melei shahkung nenyu, halei shahkung shaipü neshiü.

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

MARK 14:24

Büpai jomphong kü, “Hapayü longshi shingvaishi haipü vangteishuwteipü ngelei iy.

MATHI 26:28

mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

2 KORINT 3:9

Nyonghüpü dousho kü müknyinshekhang nyujema, hangku dahshakhüpü dousho kü meshük nyeishi müknyinshekhang bhashahshi nyuhen!

ROM SHAHSHA APPÜ 4:17

Ha nyangei nyüke: “Ngei nüngü jat longilei pa leihütepih.” Büpai hinglempü Kahvang touei büpayü jenei pa– ha Kahvangi didaipüthü kü yangnyuyem shuohnyeih, hatü nenyupü douthü vamei nyuhen büpai nyüknyeih.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

2 TIMOTI 1:11

Hapa shahjang meipü nangkü ngeiyü shah baongbü, phongshan hatü nyuhbü vaihen jeteke,

EPHESIA 2:5

mechem jen pungpü homei diyei nyupa, Khrista mü chemi yangei leishihpeihphahjipai am yangpeih;

1 KORINT 3:10

Kahvangi ngei kü shuohpü phahji aimü lahhinpü shem vebü keiha ngei chongnyiam lingtepih, hatü ha shangkü hanei ami venyüke. Shejao shem vebü peüi hapa shangkü mekei venya kenhinghen vongbong.

EPHESIA 2:1

Ammi pungpü hatü ammei mang homei am diyei nyuteke,

2 KORINT 3:3

Amphongü ham chongphopü homei shompü Khristalei lai shei hunyüke; hapayü shiai yah-ei nenyang, shejao vanyangyem Kahvang Laanghai yaongba kü nevai, shejao hangkulei mongdang kü nyangpeih.

2 KORINT 11:23

Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

HEBREW 8:13

Büpai “Vangpüshuwpü Ja” shei etü shongpeyü nenotei-i yaktükpeih, hatü mehe nenotei hatü chang leidainya, hayü lomi mahdaihen.