2 KORINT 3:3 - DAÜLANGPÜ LAIHING (BSI)

³ Amphongü ham chongphopü homei shompü Khristalei lai shei hunyüke; hapayü shiai yah-ei nenyang, shejao vanyangyem Kahvang Laanghai yaongba kü nevai, shejao hangkulei mongdang kü nyangpeih.

2 KORINT 3:3 Referans Kwoze

EZEKIEL 11:19

Ngei jom kü mongdang hük, hatü laangha ja shihshuohhen; ngei jom kü vaanpü yaong mongdang yaktüktü phai mongdang shuohhen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

HEBREW 8:10

Hathü nyih pheikü ngei Israel am phang mü hapa vangpüshuwpü linghen shei Shembüpai enyüke: Ngei ngelei shahkungnyü jomei sholi kü shihshuohhen, hatü jomei mongdang kü nyanghen, ngei jomei Kahvang vaihen, hatü jomphongü ngelei nanglak vaihen.

HEBREW 10:16

“Hathü nyih pheikü ngei jom mü linghen vangpüshuwpü ha hih shei Shembüpai enyüke: Ngei ngelei shahkungthü jomei mongkü shihshuohhen, hatü ngei jomei sholi kü ha nyangshuohhen.”

MENVIH KESHO 40:8

Ngei nüngi mongpü dükhünyeih, Oh ngelei Kahvang; nüngei shahkungnyü ngelei mongdang mongei nyüpeih” shei eteke.

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

MÜLANGPÜ 24:12

Shembüpai Mosa kü, “Ngei touei kahshangei aongkei, hatü hamü dantuh; hatü ngei nanglakthü kü noteihen shingvaishi nyangpü shahkungnyü kemei kohshi yaongshung nyi yahphahen” shei e.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

KANDOK 3:3

Bampü hatü hinglempü nüng toueipü teyantük; Hathü nüngei üng kü yüklangtuh, hatü nüngei mongdang yaongshung kü nyanglangtuh.

KANDOK 7:3

Hathü nüngei lakjaang kü sheptuh, hatü nüngei mongdang yaongshung kü nyangtuh.

MENVIH KESHO 84:2

Shembüpa nyushing deihpai ngelei laangha ongyangnyeih, hatü shomeiyingnyeih. Vanyangyem Kahvang kü ngelei mongdang, hatü ngelei phai mongongpai loknyeih.

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

MENVIH KESHO 42:2

Ngelei laanghai Kahvang, vanyangyem Kahvang ongyangnyeih. Mechem ngei peiyei Kahvangei dhe eehen?

MÜLANGPÜ 34:1

Shembüpai Mosa kü, “Sheleipü yaongshung nyi kei nüngi yaongba nyi lokei yahtuh, hatü nüngi bhaotükpü sheleipü yaongshung nyi kü nyupükei ngei shah nyangphahen.

SHAKEI VAMPÜ 3:22

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 2:18

Thiatira kübü attoi leipü phongshan kü nyangtuh: Hathüyü Kahvang Ha, üpa kü awlom kei mük nyu, hatü layü jintükpü melangnyiam kei nyu, büpalei shahthü:

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

JOSHUA 3:10

Hapa keiha vanyangyem Kahvang am mü nyüke, hatü büpai hingmei am toueipü Kanan am, Hit am, Hiv am, Perizz am, Girgash am, Amor am hatü Jebus am changtükphahen shei ammi nyinghen.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

SHAKEI VAMPÜ 2:12

Pergamum kübü attoi leipü phongshan kü nyangtuh: Hathüyü nah nyi kohpü yanlu nyupübalei shahthü:

SHAKEI VAMPÜ 2:1

Ephesia kübü Attoi leipü phongshan kü nyangtuh: Hapayü üpai büpalei lakdah philei litha nyet no, üpai hon awdük shemshing nyet chi kü kamnya, hayü büpalei shah:

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

SHAKEI VAMPÜ 3:1

Sardis kübü attoi leipü phongshan kü nyangtuh: Hathüyü üpalei lakei Kahvangei laangha nyet hatü litha nyet nyu, büpalei shahthü: “Ngei ammei douthü nyingnyeih; amü yemmü nyüpeih shei menvih yahnyüke, shejao am mahngchang khih.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

MÜLANGPÜ 32:15

Hahepak kü Mosai kahshang leipü Shahkungnyü Yaongshung nyi dangpong phenkü nyangtükpü noei leiteke.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

2 KORINT 3:7

Shaang dipü koei peipü chongphopü dousho mepa yaong kü kukei nyangtepa, hapa müknyinshekhang kü peishingkü hapalei müknyinshekhang shaang yimdaiyaki Israel ami Mosalei dhe kü ngangei neveiaokjema,