2 KORINT 3:18 - DAÜLANGPÜ LAIHING (BSI)

¹⁸ Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

2 KORINT 3:18 Referans Kwoze

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

1 KORINT 13:12

Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

KOLOSI 3:10

hatü Lingbülei lajei aimü nyingpühingpü kü ja leiyei shennyak ja owteke.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

1 KORINT 15:49

Jeni kahdok leipü shennyakei lajei kopü keiha jeni vangsho leipü shennyakei lajei kohen.

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JAKOB 1:23

Mehenangkü hanei ami shah danpü am vaitü dou dükpü am neleijema, jomphongü laophü nyingi aina kü veipü am lenyüke;

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

ROM SHAHSHA APPÜ 8:7

Ha vaipü nangkü phai kü mong shuohpeyü Kahvangei vepa; hapai Kahvangei shahkung ven nebangnyu– hingmei büpai nebangaokhen,

ROM SHAHSHA APPÜ 8:4

Hanangkü phai aimü kampüthü nevai, shejao Laangha kü kampüthüi shahkungnyüi yüpü jen kü jiühüteke.

JOHAN 12:41

Isaiah-i hapa epeyü büpai Jisulei müknyinshekhang eepü nangkü büpa nang epeih.

ROM SHAHSHA APPÜ 13:14

Ha nang jeipü Shembüpa Jisu Khrista owtuh; phai-i yahhüpü hüshemhühen phai kü shing teshuoh.

GALATIA 6:15

Japtükpü nevaijü nejappeyü meheyao nevai, shejao ja lingpü mon nadang.

1 TIMOTI 1:11

hatü ngei kü shuohpü moihimanpü Kahvangei müknyinshekhang shahjangmei kü jiüshi nyuhpüvenpü meipü khüei nyupüthü shingvaishi shahkungü lingpeih.

MENVIH KESHO 84:7

Jomü wong kübü wong dangei dainyüke, Jomi Zionlei kahvangthü khongkü Kahvang eehen.

JOHAN 17:22

Nüngi ngei kü shuohpü müknyinshekhang ngei jomphong kü shuohtepih, shejüang ji hük vaipükei jomphongao hük leihen.

2 KORINT 3:17

Shaang Shembüpayü Laangha, hatü melei Shembüpalei Laangha nyu, halei bümei nyüpeih.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.