2 KORINT 3:16 - DAÜLANGPÜ LAIHING (BSI)

¹⁶ shejao mechem shennyak hük Shembüpa touei lepei leihen, hapa ashak nyuktüknyeih.

2 KORINT 3:16 Referans Kwoze

MÜLANGPÜ 34:34

Shejao mechem Mosai Shembüpa mü eteihen shingvaishi büpa touei peipa, büpai vamei mangdai thahshi dhe kü jümpü ashak nyiuktükteke, hatü mechem büpa vamei daihen, büpa kü mehe eshuohpa ha Israel am kü eteke.

ISAIAH 29:18

Hapa nyih kü aangpüthüi hapa laitap leipü shah danhen, hatü manghphang kü vangnyak kao mükphüngpüthüi eehen.

ISAIAH 25:7

Hapa kahshangei büpai nanglakthü kü jümpü mongmang phumnyak yantükhen, hatü jatthü kü jümpü shangmang mahtükhen.

ROM SHAHSHA APPÜ 11:23

Hatü jom Israel amao hingnelempü kü nenyujema jom hapei leihühen; mehenangkü Kahvangi jom shao haphühen aokshi nyüpeih.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

YOUNG LAI 3:40

Jeni jenei lem dokei veishah, hatü Shembüpa touei lepshah.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

SHAHKÜP 30:10

Shejao ammi shahkung lai kü nyangei nyupükei Shembüpalei shah banghen, hatü ammei mongdang kempai hatü laangha kempai Shembüpa, ammei Kahvang touei nyokei leihen vongbong.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

2 KORINT 3:15

Shinnyih thahshi mechem hapa Mosa shahkung iehenshang jomei mongdang kü hapa ashaki jümlangnyüke;