2 KORINT 2:7 - DAÜLANGPÜ LAIHING (BSI)

⁷ hanangkü büpa ahshi mongmangpai dhao mü dohdaimangkü shaangü ammiang büpa kü mang tükeishuoh hatü mongmeihütuh.

2 KORINT 2:7 Referans Kwoze

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

KOLOSI 3:13

Hüki hük mü nenteiaoktuh, hatü hüki hük khüei nyujema mang tükteituh. Shembüpai am kü mang tükpükei tükteituh,

ISAIAH 28:7

Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

KANDOK 17:22

Mongongmonglepü mongdangü meli meipü; shejao tendaipü laanghai vangni ütüknyeih.

2 THESALONIKA 3:6

Jeihinaüthü, nehetpü jeihinaüthü hatü ammi ham leipü yahpü shahjangmei aimü nenyupüthü kübü khaatei nyutuh shei Shembüpa Jisu Khristalei men kü hami am kü shahkung shuohnyeih.

1 THESALONIKA 4:13

Jeihinaü hatü nyahinaüthü, shidaipüthü nang am kü ha nenyingi netuhhüang nevaijü monglem neshiüpü lebü shennyakthü kei thepeiyoungei netuhhüang.

PHILIPPI 2:27

Hingmei büpa dihen mü longi tüngei nyuhampeih. Shejao mongmang hük pheikü hük neheühen shingvaishi Kahvangi büpa kü hatü büpa kü mon nevai ngei kao phahjipeih.

2 KORINT 7:10

Mehenangkü Kahvang deihshi mongmangpeyü yemleipü touei mühen mong leppü vamhünyeih, hatü mongmangei nenyunyih, shejao kahdoknyü mongmangi dipü vamhünyeih.

2 KORINT 5:4

Jeni hapa ashakshem kü nyuyaki jeni thepnyüpeih, hatü hanggovih chettü nyunyeih; mehenangkü jeni ne-owi nenyuhünyu; shejao jenei vangsho leipü nyushing owtü nyuhünyüke, shejüang mehe dibenüng nyu, hayü yangnyuyemi lühtükhen.

1 KORINT 15:54

Mechem hapa mahbenüng bümi nemahbenüng owhen, hatü dibenüng bümi nedibenüng owhen, hahepak kü nyangei nyupükei epü hapa dhaümkahen: “Dipeyü aokpü dangpai lühtükteke.”

KANDOK 1:12

Mahngchongi kei jeni hanei am yemmü lühtükshah; hatü kahsha kü dempükei dhaomü lühtükshah;

MENVIH KESHO 124:3

jen khüei jom mongshih anei jenü yemmü lühtüktü nyuhah shepeih;

MENVIH KESHO 21:9

Mechem büpa peihen, büpai hathü peü awbhaong kei leitükhen. Shembüpa mongshihpai hathü lühtükhen, hatü awi jom hahtükkemhen.

MENVIH KESHO 57:3

Büpai vangsho leipü shomei ngei yanghen, ngei kü la-i shouppüthü büpai veühühen. Kahvangi büpa bampü, hatü büpalei shahhing shomnyeih.

2 KORINT 2:8

Hanangkü ammi büpa kü bampü shao meishi wonghütuh.