2 KORINT 13:9 - DAÜLANGPÜ LAIHING (BSI)

⁹ Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

2 KORINT 13:9 Referans Kwoze

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

1 KORINT 4:10

Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

1 THESALONIKA 3:10

Hami am mü dhe dhe gongei ponghen hatü am vaipü kü mehe taoei nyu, ha shuohhühen nangkü nyakhingai thüngei lanei phopnyeih.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

HEBREW 12:23

hatü vangsholei men nyanglangpü hashongthü thaipü, hatü peüei shahphenpü Kahvang, hatü daülangpüthülei laanghathü changhüshahüpü touei,

HEBREW 6:1

Hanangkü jeni Khrista jung lapjai nyuhpüvenpü tuhphongtü behe leipü lemei daishah. Didaipü dou kübü mong lepei Kahvang kü hinglempü,

2 TIMOTI 3:17

shejüang Kahvangei shennyakthü peü doumei peü shingvaishi dükaokhen temtüktü nyuhen nyüke.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

2 KORINT 11:30

Ngei changmeijema, ngei wong nekohpü douthü hupü kü ngei changmeihen.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

ROM SHAHSHA APPÜ 15:2

Jen peüi jenei chingyow meipü mükhong kü linghen shingvaishi jenei chingyow mongmeihühen khih.

1 KORINT 1:10

Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

1 KORINT 2:3

Ngei am touei wong nekohpü, nyempü hatü kheüpü kü peipeih.

2 KORINT 13:4

Mehenangkü wong nekohpü kü büpa shophang kü ap, shejao Kahvangei wongi büpa yemmü nyüke. Mehenangkü hamphong büpa kü wong nekoh, shejao am mü eteihen nangkü Kahvangei ngan homei ham büpa mü nyuhen.

2 KORINT 4:12

Hanangkü ham kü dipai dou düknyüke, shejao am kü yangnyuyemi dou düknyüke.