2 KORINT 13:4 - DAÜLANGPÜ LAIHING (BSI)

⁴ Mehenangkü wong nekohpü kü büpa shophang kü ap, shejao Kahvangei wongi büpa yemmü nyüke. Mehenangkü hamphong büpa kü wong nekoh, shejao am mü eteihen nangkü Kahvangei ngan homei ham büpa mü nyuhen.

2 KORINT 13:4 Referans Kwoze

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

ROM SHAHSHA APPÜ 6:4

Hanangkü dipü kü baptükpai jen büpa mü mahng vüteke; shejüang Pa müknyinshekhangi Khrista dipü kübü yangei leishihpü keiha jenphongao yangnyu ja kü kamhen.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

1 KORINT 15:43

Hapayü dhüm neshiüpü kü hainyeih, müknyinshekhang kü yangei leinyeih. Hapayü wong nekohpü kü hainyeih, ngan kü yangei leinyeih.

1 KORINT 2:3

Ngei am touei wong nekohpü, nyempü hatü kheüpü kü peipeih.

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

ROM SHAHSHA APPÜ 14:9

Ha tata kü büpayü dipü hatü yemmü nyupü nyiphenei Shembüpa vaihen shingvaishi Khrista di hatü yangei leipeih.

JOHAN 10:18

Üpaiyao ngelei yangnyu ngei kübü neyahlang, shejao ngei ha ngei nyingi mongei shuohnyeih. Lanei shuohhen hatü nyipabü yahlanghen ngei kü wong nyüpeih. Hapa shahkung ngei Opa leipü dangpeih.

ROM SHAHSHA APPÜ 1:4

Jenei Shembüpa Jisu Khrista, üpa dipü kübü yangei leipü homei daülangpü laanghai büpayü ngan kohpü Kahvang Ha shei hutepa,

PHONGSHANTHÜ DOU 2:36

Hanangkü Israel phang peüi ha lekei nyingtuh: Ammi shophang kü aptükpü hapa Jisu-ü Kahvangi Shembüpa hatü Messiah leihüpeih.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

2 KORINT 10:10

Mehenangkü hanei ami, “Büpalei laiyü mangshi hatü wong kohshi khih, shejao büpa jen mü nyujü wong nekohnyu, hatü büpalei shah-ü yahlak neshiü” shei enyüke.

PHONGSHANTHÜ DOU 3:16

Büpalei men kü hinglempai, büpalei men kü mon hapa shennyak wong kohhüpeih, büpa ammi shaang eenyüke hatü nyingnyüke, hatü Jisu kü hinglempü homei am peüi eeshi büpa kü hapa yangnyu meipü shuohteke.”

1 KORINT 1:25

Mehenangkü Kahvang ngapeyü shennyakei kihikon mü nahpüba, hatü Kahvang wong nekohpeyü hangkulei wong mü wong kohpüba.

1 KORINT 6:14

Kahvangi Shembüpa yangei leishih, hatü büpalei ngani jenao yangei leiphahen.

2 KORINT 12:10

Ha vaipü nangkü Khristalei men kü, wong nekohpü kü, yaüeilungpü, ponghahpü, shüveidoidei hatü vongshüh kü ngei mongongnyeih. Mechem ngei wong nekoh, shejüang ngei wong kohnyeih.

2 KORINT 13:9

Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.