2 KORINT 12:21 - DAÜLANGPÜ LAIHING (BSI)

²¹ Shao mechem ngei am touei peihenshang, ngelei Kahvangi ngei am touei maanei leihühen, hatü üami shelei mang thahtü jomi dükpü nedaünelang, mükbongjuyung, shahkung mangpü kübü mong nelep, hathü longi nangkü ngei mongkü tünghen mü shiühen khih shei ngei yingei deihnyüke.

2 KORINT 12:21 Referans Kwoze

2 KORINT 13:2

Shelei üami mang thah, hathü kü hatü lebüthü peü kü ngei shahvüng shuohtepih, hatü ngei nyipabü thümshingkü dükpükei ngei shaang nenyujao am kü hapa shahvüng shuohnyeih, ngei shao peijema, ngei inyainyemi nechongkahen;

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

GALATIA 5:19

Shaang phailei douthü ngaiheyei vamteke: iyjeiphailei, nedaünelang, ten dükpü,

1 KORINT 5:1

Amphong khongkü mükbongjuyung, hapayü nevaipü am touei dangkao nenyubenüng dou– shennyak hüki laophülei nyüma mü nyunyüke shei hingshangi shah-om shuohteke.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

JUD SHAHSHA APPÜ 1:23

aw leipü leppükei lebüthü yangtuh, hatü lebüthü kü nyempü mü phahji hutuh, shejao jomei büm iyjeiphailei homei sheihtükpü ashakviha kü jiühittuh.

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

2 KORINT 12:7

Hanangkü ahshi longpü shakei vampü ngei eepü nangkü ngei changmeihen kübü yepei tuhhen shingvaishi ngelei phai kü hüh hük, ngei kü shüveihen Satanei phongmokbü hük ngei kü shuohpeih.

2 KORINT 10:6

Mechem am ven danpü changeishahen, hami ven nedanpü peü hanghihühen temei nyüpeih.

2 KORINT 8:24

Hanangkü attoithüi eehen shingvaishi hathü kü ammi bampü, hatü am nangkü ham changmeiyei deihpü lekei hueishuoh.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

ROM SHAHSHA APPÜ 9:2

Ngei kü mongmang longpü hatü nedoh-i mongkü tüngpü ngelei mongkü nyüpeih.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

MENVIH KESHO 119:136

Nüngei shahkung nedükpü nangkü ngelei mükphi yungyen leiyei yennyüke.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

EZRA 9:3

Ngei ha danei ngelei ashakviha, büm-ow shaaktük hatü ngelei sho hatü jumum bhitüktü mongshangei uoshi nyupeih.

1 SAMUEL 15:35

Samuel mangdi thahshi büpa nangkü mongshangei deihlangmao Samueli Saul mü nepongtei. Saul Israel amei ong vaipü nangkü Shembüpai mongmangei deih.

SHAHKÜP 9:25

Shembüpai am mahtükhen shei epü nangkü nyih pinyi ya pinyi thahshi ngei Shembüpa tou kü aümei khümpeih,

SHAHKÜP 9:15

Hanangkü kahshangei aw bahshi tuhtü haleipü ngei vangpüshuwpü yaongshung nyi notü nyokei lei.

MÜLANGPÜ 32:31

Hanangkü Mosai Shembüpa touei nyokei leiyei, “Oh hapa nanglakthüi mang longpü thahteke! Jomi jom shingvaishi honi kahvang lingteke.