2 KORINT 12:2 - DAÜLANGPÜ LAIHING (BSI)

² Bong anpüali daiteke, Khrista kü shennyak hük jempabü vangsholei yepei anteke– hapayü büm kü hi manghkhang kü shangkü ngei nenying; Kahvangi nyingnyeih.

2 KORINT 12:2 Referans Kwoze

PHONGSHANTHÜ DOU 22:17

Ngei Jerusalemei leiyei phopshemei phopei nyushingkü ngei shomeiyingei shapeih,

SHAKEI VAMPÜ 4:2

Chem ngei Laangha kü nyu, hatü vangsholei ong uoshing hük vam hatü hapa ong uoshing kü hük uoshi nyu,

1 THESALONIKA 4:17

Hapheikü, jen üam yemmü nyu jom mü chemi phum kü Shembüpa mü pongnüng phumshangei yah-ei anlanghen. Hapa keiha jen Shembüpa mü den kü nyuhen.

2 KORINT 11:11

Mehekei? Ngei am kü nebamnyu hiang? Ngei bampü Kahvangi nyingnyüke.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

1 ONGPATHÜ 18:12

Ngei nüng toueipü leidaihinüng Shembüpalei laanghai ngei nenyingpü shingei nüng müei lüdaihen; ngei leiyei Ahab kü ha eshuohhen, hatü büpa peijü nüng nenyujema, büpai ngei jütükshasha khih. Nüngei chongphobü ngeiyü hashih mebü Shembüpa kü dhüm shuoh-ei khümei longpeih.

SHAKEI VAMPÜ 12:5

Hatü pinnyüi yeshang ha hük kahmük peü kü nyiamlüng noshi vanglem lemhen büh. Shejao pinnyülei hapeü aetei Kahvang hatü büpalei ong uoshing touei anlang;

EZEKIEL 11:24

Kahvang laanghai ngei kü shuohpü manghkhang kü Laanghai ngei müei Babylon wüpküpei nyupüthü touei dei. Hapheikü ngei eepü manghkhang mahdai,

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

EPHESIA 4:10

Büpa üpa yiü hapa aihüki douthü peü kü büpa mahühen shingvaishi vangshothü peü shak kü peü mü shaoshi aongpeih.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

GALATIA 1:22

hatü hahepak thahshi Khrista kü Judealei nyupü attoithüi ngei nenyingi nyuhampeih;

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

ROM SHAHSHA APPÜ 16:7

Ngei mü khoklatei nyupü ngelei shem am Andronikus hi Junias nyi kü selam ete; jijiyü phongshanthü khongkü shongnyü, hatü ngei shekü jijiyü Khrista kü nyuhampeih.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

PHONGSHANTHÜ DOU 14:6

Mechem phongshan nyi-i ha danpa, jijinyi-i Lykaonia kahdok kübü chingnyü nyi Lystra hatü Derbe hatü lebü kahmükei nyaiyei lüdai;

JOHAN 6:56

Üami ngelei phai hah hatü ngelei iy ying, ngei kü nyunyüke, hatü ngei jom kü nyunyeih.

LUK SHAHSHA APPÜ 24:51

Büpai jom kü moihimanei nyushingkü büpa jomphong toueipü yanei vangsholei anlang.

MENVIH KESHO 148:4

Shaopü vangshothüi büpa vihtuh; hatü vangshothü dok kübü yungthüi büpa vihtuh.

SHAKEI VAMPÜ 1:10

Shembüpalei nyih kü ngei Laangha kü nyu, hatü ngei pheilei ngeü longpü hük amit ngeü keiha,

2 KORINT 13:5

Am hinglempü kü nyüla shei laophü nyingi yemei veituh; laophü nyingi dokei veituh. Am chemjalak kü dokpü kü neaokpü nevaipheikü am kü Jisu Khrista nyüpeih shei nedeihnyu je?

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

2 ONGPATHÜ 2:16

“Veituh, nüng chongphobüthü hamphong khongkü wong kohpü shennyak pinyipüan nyüpeih. Nüngei shembü yemnüng hathü deishihshah. Üpai nyingpa, Shembüpalei laanghai büpa müei daiyei kahshang nevaijü kahji haneilei tuh-ei shiühen aokpeih” shei jomphongi e. Elisha-i jangei, “Tah, hathü tedeishih” shei e.

SHAHKÜP 10:14

Vangshothü hatü peü mü shaopü vangshothü, kahdoknyü hatü haleipü lemphüli Shembüpa, ammei Kahvangei nyüke.

EZEKIEL 43:5

laanghai ngei noei antü mongeipü chingdung touei shü, hatü phopshemü Shembüpalei müknyinshekhangi mateke.

ROM SHAHSHA APPÜ 16:3

Khrista Jisu kü ngei mü chongphopü Priscilla hatü Aquila nyi kü selam ete,

ROM SHAHSHA APPÜ 16:9

Khrista kü jen mü chemi chongphopü Urbanus hatü ngei bampü Stakis nyi kü selam ete.

ROM SHAHSHA APPÜ 16:10

Khrista kü yah-aokpü Apelles kü selam ete. Aristobulus am shem kü selam ete.

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.