2 KORINT 12:19 - DAÜLANGPÜ LAIHING (BSI)

¹⁹ Nyuyang kemei kü am touei ham nyingi yanglem yempükei deihpü je? Khrista kü Kahvang touei hami enyüpeih, hatü hami dükpü lemphü, bampü küphüthü, am wong kohhühen nangkü dükpeih.

2 KORINT 12:19 Referans Kwoze

ROM SHAHSHA APPÜ 9:1

Ngei Khrista kü shahhing enyeih– ngei shahshem neenyih; Laangha Daülangpü homei ngelei mongdeih-i ha lekhünyüke.

2 KORINT 10:8

Am bentükhen nangkü nevai, shejao am linghen nangkü Shembüpai shuohpü hamei wong kü ngei maani nyeishi changmeiyei nyujoong ngei hapa kü veüei nedeihpih.

1 KORINT 14:26

Shejema, ngelei jeihinaüthü, mehe dükhenang? Mechem am chemi thaihenshang, am peülei kesho, nyuhhen shah, shakei vampü, shahlem laolao epü nevaijü hapa nih-ei epü nyüke. Dou peü linghühen shingvaishi düktuh.

1 KORINT 10:14

Hanangkü bampü küphüthü, lajeithü khümpü kübü nyaidaituh.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

2 KORINT 13:10

Hanangkü ngei am touei nenyupü hepak kü ngei hathü dou jung nyangnyeih, shejüang mechem ngei am touei peihen, am mangtükhen nangkü nevai, shejao lingei leihen shingvaishi Shembüpai ngei kü shuohpü wong noshingkü mangshi nenohen.

2 KORINT 12:15

Am shingvaishi ngei angpü lemphü hatü ngeiyao omshi tükhen. Ngei am kü longi bampü nangkü ammi ngei kü maani bamhen je?

2 KORINT 11:31

Kahvang hatü Shembüpa Jisulei Pa-i (büpa den kü moihimantuh) ngei shahshem ne-epü nyingei nyüpeih.

2 KORINT 11:10

Khrista shahhing ngei kü nyupü nangkü ngei changmeipü hapayü Akhaia moidoi leiyao nedohhühen.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

2 KORINT 3:1

Shao hami ham nang changmei shah ehahnüng chongpangnyu hiang? Hanei am keiha, hami am leipü nevaijü ammi ham leipü nyingteipü lai nahen je?

1 KORINT 10:33

Jom yanghen nangkü ngei dükpü lemphü kü ngei meihen nevai shejao longshi shing meihen nangkü ngei dükpükei ami düktuh.

ROM SHAHSHA APPÜ 12:19

Ngelei küphüthü, am nyingi bhüh teyem, shejao Kahvang mongshihpü kü shing tuhphongtuh; mehenangkü ha nyangei nyüke, “Bhüh yempeyü ngelei; ngei ha kü shemhen shei Shembüpai enyüke.”

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

ROM SHAHSHA APPÜ 15:2

Jen peüi jenei chingyow meipü mükhong kü linghen shingvaishi jenei chingyow mongmeihühen khih.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

1 THESALONIKA 5:11

Hanangkü ammi shaang dükpükei am hüki hük mü nangthongteituh, hatü hüki hük lingei leituh.

HEBREW 6:9

Hami hapakei ejao, bampü küphüthü, hami am nangkü meipü douthü monglemnyeih, hayü yemleipü douthü.