2 KORINT 12:10 - DAÜLANGPÜ LAIHING (BSI)

¹⁰ Ha vaipü nangkü Khristalei men kü, wong nekohpü kü, yaüeilungpü, ponghahpü, shüveidoidei hatü vongshüh kü ngei mongongnyeih. Mechem ngei wong nekoh, shejüang ngei wong kohnyeih.

2 KORINT 12:10 Referans Kwoze

2 KORINT 12:9

Shejao büpai ngei kü, “Ngelei phahji nüng shingvaishi changshi nyüpeih; mehenangkü ngelei wongü wong nekohpü kü changpüshapü leihünyeih” shei eteke. Hanangkü Khristalei ngan ngei kü nyuihen shingvaishi ngei wong nekohpü kü ngei nyeinya mongongshi changmeihen.

EPHESIA 6:10

Shompülei, Shembüpa kü hatü büpalei ngan kü wong kohtuh.

ROM SHAHSHA APPÜ 5:3

Ha mon nevai, shejao shangpongpai munenpü vamnyeih shei nyingei jeniyao jen shangpongpü kü changmeinyeih,

2 KORINT 13:4

Mehenangkü wong nekohpü kü büpa shophang kü ap, shejao Kahvangei wongi büpa yemmü nyüke. Mehenangkü hamphong büpa kü wong nekoh, shejao am mü eteihen nangkü Kahvangei ngan homei ham büpa mü nyuhen.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

2 KORINT 6:4

shejao lem peü kü ham nyingi Kahvang chongphobüthü shei shangpong kü, ponghahpü kü, vongshüh kü,

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

2 KORINT 13:9

Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

2 KORINT 1:4

Jeni Kahvang leipü dangpü nyiushemmei yah-ei shangpongei nyupüthü nyiushem meihühen shingvaishi büpai jen shangpong kü nyiushem meihünyeih.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

2 KORINT 5:15

Üam yemmü nyu, hajük kü laophü shing nenyuhen, shejao üpa di hatü jom peü shing yangei lei, büpa nangkü nyuhen shingvaishi büpa peü shing diteke.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

1 KORINT 4:10

Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

SHAKEI VAMPÜ 2:3

Am munenpü hatü ngelei men kü tok vaipü ngei nyingnyüpeih, hatü am nenyiunenang.

2 KORINT 10:18

Laophü nyingi meipeih shei deihhahpü hapai nevai, shejao Shembüpai meiangpeih shei deihpü shennyak yahnyüpeih.

2 THESALONIKA 1:4

Hanangkü ammi shüveidoidei hatü hanghi pongpü peü munenei am hinglempü nangkü Kahvangei attoithü khongkü am nangkü ham changmeiyei deihnyeih.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

2 KORINT 7:4

Ngei düngei am nangkü changmeinyeih; am nangkü ngei maühepü longpü nyüpeih; ngei mong nyiushem meipai maei nyüpeih; ham shangpongpü peü kü ngei longi mongongnyeih.

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

2 TIMOTI 3:11

hatü Antiokh hatü Ikonium hatü Lystralei ngei shüveidoidei ponghahpü munenpü nüngi eeteke. Shejao Shembüpai hathü peü kübü ngei yangpeih.