2 KORINT 11:26 - DAÜLANGPÜ LAIHING (BSI)

²⁶ yendai longi kü yungchingei gühpathü homei, ngelei nanglakthü homei, Kung am homei, chingnyülei, phaülei, yungchingei, shahshem jeihinaü nyahinaüthü homei vongshüh kü nyupeih;

2 KORINT 11:26 Referans Kwoze

PHONGSHANTHÜ DOU 14:5

Hahepak kü Kung am hatü Jehoda am hanei jomei mübüthü khaaitü jiji kü nemei-i dükhen hatü yaongi shükhen showteke.

PHONGSHANTHÜ DOU 25:3

Paul khüei jom kü bampü huei Jerusalemei shing chaiyei anshih shei khümei e. Hingmei meyü jomi büpa lemei jütükhen tapei nyuhen küpjan shüpü khih.

PHONGSHANTHÜ DOU 20:19

Peü mü maanpü leiyei mükphi yenei, Jehoda ami showpü kon homei dokpü kemei munenei Shembüpa chongphoei nyuteke.

PHONGSHANTHÜ DOU 17:5

Shejao Jehoda ami mükhak, hatü jomi chingyangshong leipü nebahnevaipü shennyakthü thaiyei khong lingtü chingnyülei mophicheü ngaiteke. Jomi shahthai shingei deinüng shei Paul hi Silas nyi yemshingkü Jasonei shem shümteke.

PHONGSHANTHÜ DOU 13:50

Shejao Jehoda ami chingnyü kübü Kung am shennyak mübüthü hatü Kahvang kü vaipü noknyü kü laphen shaopü nyühathü kü ühing ittü Paul hi Barnabas nyi kü shüveitü hapa moidoi leipü changtük.

GALATIA 2:4

Ham aa leihühen shingvaishi Khrista kü hami dangpü bümei hean kü gühshukhen nangkü shahshem vaipüthü hanei ham touei peipeih.

2 KORINT 11:32

Aretas Ongpa phang kübü Damaska leipü governor-i ngei yephen Damaska chingnyü penyüshathü yomlangteke,

1 KORINT 15:32

Hangku monglempü kü monha ngei Ephesialei phaüyemthü mü hoklang meyü ngei hapai mehe nanglei danghen vaipa? Dipü kübü yangei neleijema, “Jeni hahshah, yingshah, mehenangkü jen ngenyih didaihen.”

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

PHONGSHANTHÜ DOU 23:10

Shah dakteipü longi mangshi vampü nangkü hathü khongi Paulü khih mü shaaktükhen khih shei veshan mübüi nyemei deih. Büpai veshanthü kü khong mü yiüei jomphong toueipü Paul lükei deilanghen, hatü veshanthü nyushingei leilanghen ngeükhüam shuoh.

PHONGSHANTHÜ DOU 19:23

Hapa hepak kü Shembüpalei Lem nangkü mophicheü longpü vam.

PHONGSHANTHÜ DOU 19:1

Mechem Apollos Korintlei nyupa, Paul-ü hapa kahmük moidoi jiam homei daiyei Ephesialei pei; halei büpai vaipüthü hanei heüteke.

PHONGSHANTHÜ DOU 18:12

Shejao mechem Gallio-ü Akhaia kü Rom governor nyupa, Jehoda am hoi jemtü Paul yepei shahphen shingei dei.

PHONGSHANTHÜ DOU 15:40

Shejao Paul-ü Silas müei layaong; vaipüthüi büpa Shembüpa phahji kü lanei shuoh.

PHONGSHANTHÜ DOU 14:19

Shejao Antiokh hatü Ikonium leipü peipü Jehoda ami khongnyü jomi yawh-ei yah. Hapheikü jomi Paul kü yaongi shüktü didainyeih shei deihshi chingnyü pedaülei shüei ngaiyei tuh.

PHONGSHANTHÜ DOU 13:45

Shejao mechem Jehoda ami thaipü khongnyü eepa, jomi mükhakpai ma, hatü Pauli epü kü nyongnyongi lingtü thaüvaüei e.

PHONGSHANTHÜ DOU 17:13

Shejao mechem Thesalonika leipü Jehoda ami Berea leiyao Pauli Kahvang shah enyüke shei danpa, jomi haleiyao khong kü shiongei mophicheü ngaihününg peiteke.

PHONGSHANTHÜ DOU 20:3

hatü büpa halei lenyang jem nyu. Büpa Syria lemei heihnüng shei nyushi Jehoda ami büpa khüei phaüshah showpü nying, hanangkü büpa Macedonia homei leidaihen tem.

PHONGSHANTHÜ DOU 27:42

Khoklatei küppüthü üpayao yung kü owei daiyei nenyaihen shingvaishi veshanthüi jomphong jütüknüng shei tem,

ROM SHAHSHA APPÜ 8:35

Khristai bampü kübü üpai jen yantükhen? Hapayü ponghahpü nevaijü shangpong, nevaijü shüveidoidei, nevaijü shaühile, nevaijü bümkong nyupai, nevaijü vongshüh nevaijü vehoki hiang?

1 KORINT 15:30

Hepak ieshi jen nyingi mehekei vongshüh kü shühen?