2 KORINT 11:23 - DAÜLANGPÜ LAIHING (BSI)

²³ Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

2 KORINT 11:23 Referans Kwoze

2 KORINT 6:9

peüi nyingei tuhtü nenyingteipü am kü kei nopeih; ham didainyu kei shejao veituh, ham yemmü nyüpeih; hanghi yahphüjao nejütük;

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

1 KORINT 15:10

Shejao Kahvang phahji homei ngei shaang mehe nyu ha hih, hatü büpalei phahji ngei shingvaishi angsha neleidai. Halei meyü jomphong peü mü ngeiang nyeishi kheyei dükpeih– hapayü ngei nevai, shejao ngei mü nyupü Kahvang phahji homei.

KOLOSI 1:29

Hapa shingvaishi büpai ngei kü shuohpü wong kemei ngei hokeiheiyei dou düknyüpeih.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

PHILEMON 1:9

ngei bampü kü laphentü nüng kü khümei enyeih– hatü ngei, Pauli hapayü pajei hük leshi hatü Khrista Jisu kü khoklatei küppü hük keiha enyeih.

2 TIMOTI 2:9

ha tata kü shahkung shaipü hük keiha nyiamvüi shahahpü thahshi ngei hanghi pongpeih. Shejao Kahvangei shah shaei netuh.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

2 TIMOTI 1:16

Shembüpai Onesiphorus am shemong kü phahji nyemshuohma; mehenangkü büpai düngei ngei mongdhüng vamhünyeih, hatü ngei khoklatei nyupü kü veüei neshiü;

2 TIMOTI 1:8

Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

1 THESALONIKA 3:2

Hanangkü hapa shüveidoidei homei üpayao nejenlenhen shingvaishi Khristalei shahjangmei baongpü kü chemi Kahvang chongphopü Timoti, hamei jeihinaü am vaipü kü wong kohhühen hatü mongnang thonghen shingvaishi shompeih.

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

PHILIPPI 1:13

Ha tata kü ngei Khrista shingvaishi khoklatei nyüke shei ongshem kempülei hatü shennyakthü peüi nyingdaiteke,

EPHESIA 6:20

Ngeiyü hapa shahjangmei kobü hatü ha tata kü nyiamvüi shatü nyüpeih. Ngei ehen jiüpü monglongshi ngei baonghen phopshih.

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

EPHESIA 3:1

Ha tata kü am Kung am men kü Khrista Jisu shingvaishi ngei, Paulü khoklat kü küppü am leipeih;

2 KORINT 11:5

Ngeiyü hathü longpü phongshanthü mü phangpa kübü maanpü phongshan nevai shei ngei deihnyüke.

2 KORINT 10:7

Amphongü shakdok leipü dou kü mon veinyüke. Amphong hanei ami hamphongü Khristalei shei monglemei nyujema, amphong Khristalei vaipükei hamphongao Khristalei shei deih-ei dangtuh.

2 KORINT 4:11

Mechem ham yemmü nyunya, hamei hangku phai kü Jisulei yangnyu eehühen shingvaishi hami düngei Jisulei men kü dihen kü lanei shuohtüknyeih.

ROM SHAHSHA APPÜ 8:36

Ha nyangei nyüke: “Nüngei men kü hami helushoei dipü ponghah; hamphong keyü jütükhen mi kü kei nonyüke.”

PHONGSHANTHÜ DOU 28:30

Büpa halei vangbong nyi thahshi fara shem kü nyu, hatü büpa touei peijapüthü peü mongongshi yah.

PHONGSHANTHÜ DOU 28:16

Mechem ham Rom ngoipa, Paul kü büpa nyingnying büpa yompü veshanthü mü nyuhen hanteke.

PHONGSHANTHÜ DOU 27:1

“Mechem hamphong Italylei daihen temteipa, jomi Paul hatü khoklatei küppü lebüthü Rom Ongpalei veshan kho hük shak kü mübü Julius kü deiyei shuoh.

PHONGSHANTHÜ DOU 25:14

Jiji halei nyih kanja thempü nangkü Festus-i ongpa mü Paulei nang jaütei. Büpai, “Felix-i khoklatei tuhphongpü shennyak hük hammü nyüpeih.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.

PHONGSHANTHÜ DOU 20:23

chingnyü peülei ngei shingvaishiyü khoklat kü küphen hatü shüveidoidei mon ngei shing danei nyupü Laangha Daülangpai denpü shuohnyüke.

PHONGSHANTHÜ DOU 14:19

Shejao Antiokh hatü Ikonium leipü peipü Jehoda ami khongnyü jomi yawh-ei yah. Hapheikü jomi Paul kü yaongi shüktü didainyeih shei deihshi chingnyü pedaülei shüei ngaiyei tuh.

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

JEREMIAH 36:5

Hapheikü Jeremiah-i Barukh kü, “Ngei kü phopshemei tedai shei khüamnyüke;

1 KORINT 4:9

Kahvangi ham phongshanthü keyü shompü shing shuohpükei deihnyüke. Jütüknüng deipü shennyak kü kahdoknyü, vangsho phongshanthü hatü hangkuthüi nyemveinüng hupükei leidaiteke.

1 KORINT 4:11

Shaang thahshi keyü hamphongü aeiyeileyei ashakten ümtü, üphahtü bükhishem neshiüi nyüpeih,

GALATIA 6:17

Shaang mü leitü üpaiyao ngei kü shanghah teyahpha; mehenangkü ngei ngelei büm kü Jisulei kaw shashi nyüpeih.

2 TIMOTI 3:11

hatü Antiokh hatü Ikonium hatü Lystralei ngei shüveidoidei ponghahpü munenpü nüngi eeteke. Shejao Shembüpai hathü peü kübü ngei yangpeih.