2 KORINT 11:2 - DAÜLANGPÜ LAIHING (BSI)

² Kahvangi keiha ngeiyao am kü mükhüh-ei deihnyüke. Mehenangkü ngei amphongü baha hük, Khrista mü daülangpü pai mü ngühpü nela hük keiha shem yemhühen lahtüktih.

2 KORINT 11:2 Referans Kwoze

ISAIAH 54:5

Mehenangkü am Lingbüyü ammei baha, Jeiyong Shembüpayü büpalei men; Daülangpü Israel Kahvangü am Yemleibü; Büpa kü kahdoknyü peüi Kahvang shei nyüknyüpeih.

JOHAN 3:29

Yiükü yiükyahbülei nyüke. Yiükyahbülei küphüpai danei büpalei ngeü bangnyüke, hatü mechem büpai yiükyahbülei ngeü danhenshang mongongnyüke. Hayü ngelei mongong hatü ha changhüteke.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

EZEKIEL 44:22

Jomphongi vaümnyü mü nevaijü baha mü yanpü nyüha mü shem neyemhen, shejao Israel phang kübü pai mü ngühpü nela mü nevaijü ngongpai tuhphongpü vaümnyü mü shem yemhen.

PHILIPPI 1:8

Khrista Jisu bampü kü am peü nangkü ngei mekei ongyangnya ha jung Kahvangü ngelei denbü nyüke.

ROM SHAHSHA APPÜ 7:4

Ha aimü ngelei küphüthü, shahkungnyü nang keyü Khristalei büm homei amphong didaishuohteke; mehenangkü amphongü Khristalei büm kü phaihan hük nyüke, hatü jen Kahvang shingvaishi betjük jükhen nangkü amphong lebü hük, dipü kübü yangei leipübalei lompü nyüke.

2 KORINT 4:14

mehenangkü Jisu Khrista dipü kübü yangei leishihpübai hamphongao Jisu mü yangei leishihhen, hatü büpa nyushingei hamao amphong mü müei daihen.

1 KORINT 4:15

Ammi Khrista kü yombüthü haja an nyujao ammei pathü longi nenyu. Hingmei shahjangmei homei Khrista Jisu kü ngei ammei pa leipeih.

GALATIA 4:11

Am shingvaishi ngei dükpü dou lomoh vaidaihen khih shei yingei deihnyüke.

1 THESALONIKA 2:11

Mehenangkü pa hüki laophülei hapeüthü kü nopü keiha hami am kü,

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,