2 KORINT 11:13 - DAÜLANGPÜ LAIHING (BSI)

¹³ Mehenangkü hakei changmeipüthüyü shahshem phongshanthü, lueilemei dükpüthü; jom nyingi Khristalei phongshanthü shei yeiyaei hunyüke.

2 KORINT 11:13 Referans Kwoze

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

GALATIA 1:7

Hapayü hingmeipü shahjangmei nevai, shejao shennyak hanei homei am jü-ühünyu khih, hatü Khristalei shahjangmei nyongnyongi leitükhen khenyu khih.

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

GALATIA 2:4

Ham aa leihühen shingvaishi Khrista kü hami dangpü bümei hean kü gühshukhen nangkü shahshem vaipüthü hanei ham touei peipeih.

PHONGSHANTHÜ DOU 20:30

Haneiyü amphong khong kübü-üng shahhing nyongnyongi lingtü jom phei mühen nanglak yawhhahnüng vamkahen.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

KOLOSI 2:8

Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

KOLOSI 2:4

Üpaiyao amphong kü shahmei eyei nelunelemhühen shingvaishi ngei ha enyeih.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

2 KORINT 11:15

Hanangkü büpalei chongphobüthüi daülangshemshepülei chongphopüthü shei yeiyaei hupü kü thamahen neshiü. Dohpülei jomei douthüi shangpükei jomi danghen.

SHAKEI VAMPÜ 2:20

Shejao ngei am khüei ha nyüpeih: Ammi hapa nyüha Jezebel, üpa pinnyü nyingi thibüla shei etü ngelei chongphobüthü kü mükbongjuyunghen hatü lajeithü kü moila shuohtükpü hahying hahhen nyuh-ei lemnyong kü mülang, ammi pinnyü hei-üng veishi tuhnyüke.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

1 JOHAN 2:18

Bampü hashihthü, hapayü dohpü hepak nyüke. Khrista khüpü vamkünyüke shei ammi danei nyupükei shaang Khrista khüpüthü longi vamteke. Ha homei shaang jeni hapayü dohpü hepak shei nyingnyüke.

GALATIA 6:12

Üami shakdokei veihen meipü mon linghünya, hathüi am kü shuw japhen nyeannyu khih. Jomi ha dükpü shojungü Khristalei shophang shingvaishi shüveipü neponghüpü nangkü jomi ha düknyüke.

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

PHONGSHANTHÜ DOU 15:24

Hami düktuh shei ne-epü kü ham khong kübü shennyak hanei daiyei am kü baokei mong shüng nelinghen mü epü hami danpü nangkü,

GALATIA 4:17

Hathü shennyakthüi am yawhlanghen am kü longi mong shuohpükei hunyüke, shejao jomei chudeih nemei; ammi jom kü kenhühen shingvaishi am ngei toueipü yantükhen khenyüke.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

PHONGSHANTHÜ DOU 15:1

Shennyak hanei Judea leipü Antiokhlei yiüei jeihinaüthü kü nyuh-ei, “Mosa vanglem kü kei ammi shuw mangjap thahshi am yemleihen neaok” shei e.

MATHI 25:24

Hapheikü phaihan haja hük dangpü shennyakao peiyei, “Shembü, nüngü ahshi-üng mangpü shennyak, nüngi melei neshei haleipü vetnyeih, melei nehai, haleipü thainyeih shei ngei nying.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

JEREMIAH 27:14

Babylon ongpa chongtepho shei epü thibüthülei shah tebang; mehenangkü jomi am kü shahshem teteivanei enyüke.

PHILIPPI 3:18

Mehenangkü longshi shing Khristalei shophang kü vepathü kei nyunyüke; ngei düngei jom nang ehampeih, hatü shaang ngei am kü mükphi mü enyeih.