2 KORINT 10:5 - DAÜLANGPÜ LAIHING (BSI)

⁵ Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

2 KORINT 10:5 Referans Kwoze

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ROM SHAHSHA APPÜ 7:23

shejao ngelei büm kü lebü shahkung hüki ngelei mong kübü shahkung mü hokei ngelei büm kü nyupü mang shahkung kü ngei yepei küptükpü ngei eenyüke.

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

1 KORINT 3:19

Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

MENVIH KESHO 139:2

Nüngi ngei uo ngei yaong nyingei nyüke; tailei-üng nüngi ngelei mongdeih nyingei nyüke.

1 KORINT 1:19

Mehenangkü ha nyangei nyüke: “Ngei nahpüthülei kihikon mahtükhen, hatü yaopüthülei kon ngei küptükhen.”

KANDOK 15:26

Shembüpai nemeipü küpjanthü kü jiühitnyeih, shah meipü kü büpai mongongnyeih.

MENVIH KESHO 10:4

Changmeipai nemeipüthüi büpa neyemnyih; büpalei mongdeih kempü kü Kahvang kü shing neshuohnyih.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

EZEKIEL 17:24

Püthü peüi ngeiyü Shembüpa shei nyinghen. Ngei shaopü püthü shoh-ei leitüknyeih, hatü nyaümshi nyupü püthü shao luhünyeih. Ngei thüngshingi nyupü püthü kautüknyeih hatü kaudaipü püthüang thüngshingi leihünyeih. Ngei, Shembüpai mehe etük, ha ngei dükhen.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

KANDOK 24:9

Ngapalei küpjanü mang, hatü mih vüshih-ei epü küpeüi jiühitnyeih.

LUK SHAHSHA APPÜ 1:51

Büpai laophülei laki büpalei wong huteke; büpai jomei mongei changmeiyei deihpüthü yantük.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

SHAHKÜP 15:9

Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

2 ONGPATHÜ 19:22

Nüngi hajük yaüpülungpü hatü eelapü üpaang? Üpa khüei nüngi nüngei ngeü annya, hatü changmei mük veinya? Hapayü Israel amei Daülangpü Hük khünyu khih!

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

2 ONGPATHÜ 19:28

Mehenangkü nüngi ngei mü depü nangkü, hatü nüng changmeipü ngelei peipü nangkü, ngei nüngei shong kü nyiamphaak, hatü nüngei ju kü nyiam ühhen, hatü nüng peipü lem kü ngei nüng nyokei leishihhen.”

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

MENVIH KESHO 18:27

Nüngi maanpü leipü am yangnyüke, shejao changmeipüthü maanhütüknyeih.

JOB SHAHSHA APPÜ 42:6

Hanangkü ngei etükpeyü nejiü shei ngei lahnyeih, hatü ngei bhihla hatü depla kü hoiyei mong lepnyeih.”

MENVIH KESHO 18:44

Jomi ngei jung danhinüng, jomi ngelei shah bangnyüke; kung ami nyemei kheüyaki ngei touei peikünyüke.

MÜLANGPÜ 5:2

“Ngei büpalei ven bangei Israel am leishihhenü üpa Shembüpa ang? Shembüpa, üpa shangkü ngei nenying hatü ngei Israel am neleishihpih” shei Pharaoh-i e.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

2 KORINT 11:20

Hanei ami am aa leihüjü nevaijü am lomohhüjü, nevaijü am nangkü jom vangmeijü nevaijü am tai kü manlangjü nevaijü ammei dhe kü apjü ammi hathü kü meheyao neenyu.

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.