2 KORINT 1:21 - DAÜLANGPÜ LAIHING (BSI)

²¹ Shejao Khrista kü am mü ham chongwonghüpü hatü ham thiteiphuei jepeyü Kahvang;

2 KORINT 1:21 Referans Kwoze

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

ROM SHAHSHA APPÜ 8:9

Shejao amphongü phai kü nenyu; Kahvang Laangha am kü nyupü nangkü amphongü Laangha kü nyüke. Üpa kü Khrista Laangha nenyu, büpayü Khristalei nevai.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

2 THESALONIKA 3:3

Shejao Shembüpayü hingshangpü, hatü büpai am wong kohhühen, hatü ten kübü yangphahen.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

2 KORINT 5:5

Shaang hapa mükhong shingvaishi jen temhüpeyü Kahvang, hatü mehe peikahen nyu, hapa vangpü vaishi jen kü Laangha shuohteke.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

ISAIAH 62:7

Büpai Jerusalem mangling thahshi büpa kü nyiumeihen teshuoh, hatü hapayü kahdoknyü kemeilei men-e leihütuh.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

ISAIAH 49:8

Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

MENVIH KESHO 89:4

Ngei nüngei hühihathü den shing chonglingei tuhhen, hatü denshem peü kü nüngei ong uoshing lingei tuhhen.

MENVIH KESHO 45:7

Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

2 THESALONIKA 2:17

ha homei ammei mong nangthongteituh, hatü doumei hatü shah peü kü am wong kohhütuh.

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

KOLOSI 2:7

büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

MENVIH KESHO 87:5

Zion nangkü hapakei ehen: “Hapa hatü antepayü halei bühpeih” mehenangkü Jaipübai ha chonglinghen.

HABAKKUK 2:12

Am üami iythüng anei jila agnya, hatü mangi chingnyü hük chongnyiam lingnya, Onyükei!

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

LEVI 7:35

Jom ngongpathü vaihen jepü nyih mebü Aaron hatü chehathü kü Shembüpa kü jakpü moila shuohpü kübü hanshuohpü hean nyüke.