2 KORINT 1:20 - DAÜLANGPÜ LAIHING (BSI)

²⁰ Mehenangkü büpa kü Kahvangi lahpeyü, “Hih” shei nyüpeih. Ha tata kü büpa homei Kahvang müknyinshekhangei “Amen” shei hami enyeih.

2 KORINT 1:20 Referans Kwoze

HEBREW 13:8

Jisu Khristayü menyih, shinnyih hatü düngei hükkei khan.

GALATIA 3:22

Shejao kahdoknyü kemei mangei khoklat kü küpshi nyüke shei Laihingi enyüke; hanangkü Jisu Khrista kü hinglempü homei mepa lahtepa, hayü hinglempüthü kü shuohhen.

SHAKEI VAMPÜ 7:12

hatü hapakei kesho lok: “Amen! Moihiman, müknyinshekhang, hatü kihikon, dupü-oupü, dhüm, ngan, hatü wong kemei den den kü jenei Kahvangei vaituh! Amen.”

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

EPHESIA 2:7

Hanangkü ngoikahen denthü kü Khrista Jisu kü büpai jen kü bampü shetei neaokpü büpalei phahji mop huphahen.

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

HEBREW 11:13

Ha shennyakthü peü jom dipü thahshi hinglempü kü nyu. Jomi lahtükpü douthü nedang, shejao jomi tailuei hathü dou peijapü eeyei mongong. Jomi hapa kahdoknyü kü jomphongü yenpa hatü benha shei deih;

HEBREW 7:6

Shejao hapa shennyakü jomei bülem kübü phaakpü nevaijao Abraham leipü ankhong yah, hatü Kahvang leipü lahpüthü dangpü Abraham kü moihimanshuoh.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

1 KORINT 14:16

Hei nevaijema, nüngi laangha kü Kahvang kü menvih shuohjü nüng mü nyupü hanei ami ha nenyingnyingi mekei etü nüngi menvih shuohpü kü, “Amen” shei ehen? Mehenangkü nüngi mehe enya büpai ha nenyingnyu.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

MENVIH KESHO 102:16

Mehenangkü Shembüpai Zion linghen; büpa müknyinshekhangpü kü vamkahen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

1 JOHAN 5:11

Denpeyü hapa hih: Kahvangi jen kü yangnyuyem shuohpeih, hatü hapa yangnyuyemü büpalei Ha kü nyüke.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

2 KORINT 4:15

Hih, lemphüli am nanglei danghen shingvaishi nyüke, shejüang hapa phahji nanglak nyeipüba nyeipüba touei yanei daishingkü Kahvang müknyinshekhang shing menvih nyeinya dahen.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

2 THESALONIKA 1:10

hatü hapayü mechem büpa laophülei daülangpü nanglakthüi büpa kü müknyinshekhanghühen, hatü büpa kü hinglempüthü leipü dhüm yahhen yiühenshang ha vamhen. Ha kü amao omei nyüpeih; mehenangkü hami am kü epü shahjangmei kü ammi hinglemteke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.