2 KORINT 1:19 - DAÜLANGPÜ LAIHING (BSI)

¹⁹ Mehenangkü Kahvang Ha, Jisu Khrista, üpa jung Silvanus hatü Timoti hamphongi am kü baongnya, hayü, “Hih hatü nevai” shei nevai, shejao büpa kü hapayü düngei, “Hih” shei nyüpeih.

2 KORINT 1:19 Referans Kwoze

HEBREW 13:8

Jisu Khristayü menyih, shinnyih hatü düngei hükkei khan.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.

SHAKEI VAMPÜ 2:18

Thiatira kübü attoi leipü phongshan kü nyangtuh: Hathüyü Kahvang Ha, üpa kü awlom kei mük nyu, hatü layü jintükpü melangnyiam kei nyu, büpalei shahthü:

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

PHONGSHANTHÜ DOU 18:5

Mechem Silas hatü Timoti nyi Macedonia leipü ngoijapa, Paulü Jehoda am kü chongvenei Jisu-ü Messiah hih shei denpü shuoh-ei nyu.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

2 PETER 1:17

“Hapayü ngei bampü Ha, ngei büpa kü mong hahnyeih” shei Jeiyong Müknyinshekhangi epü büpa touei hapa ngeü peishingkü büpa Pa Kahvang leipü dhüm hatü müknyinshekhang dangpeih.

HEBREW 1:11

Jom mahdaihen, shejao nüng nyuhen; jom peü ashak kei chang leidaihen;

PHONGSHANTHÜ DOU 15:22

Hahepak kü phongshanthü hatü behethü mü attoi am peüi mongei jom nanglak khong kübü shennyak jeyei Paul hi Barnabas nyi mü Antiokhlei shomhen temteiteke. Jomi Barsabbas shei menpü Judas, hatü Silas, jeihinaüthü khongkü mübü nyi,

PHONGSHANTHÜ DOU 9:20

hatü lomi Sinagoglei, “Jisu-ü Kahvang Ha” shei Jisu jung baonghen chongpang.

PHONGSHANTHÜ DOU 8:36

Jiji chemi daishingkü yung nyupü shingei ngoi, hatü ban tüktükpü shennyaki, “Veihümao, hatouei yung nyüke! Ngei baptükhen mehe wongpü nyüpa?” shei e.

JOHAN 20:31

Shejao hathüyü ammi Jisu-ü Messiah, Kahvang Ha shei hinglemhen, hatü ha kü hinglempü homei ammi büpalei men kü yangnyuyem danghen shingvaishi nyangnyüpeih.

JOHAN 19:7

Jehoda ami büpa kü jangei, “Hamei shahkung hük nyüpeih, hatü hapa shahkung aimü büpa dihen jiüteke; mehenangkü büpai büpayü Kahvang Ha hih shei epeih” shei eteke.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

JOHAN 6:69

Nüngü Kahvang kübü Daülangpü Hük shei hinglemei peinyüke hatü nyingnyüke” shei e.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

JOHAN 1:34

hatü ngei nyingiyao eeteke, hatü hapayü Kahvang Ha shei denpü shuohnyeih” shei eteke.

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

MARK 1:1

Hapayü Kahvang Ha Jisu Khristalei shahjangmei chongpangpü nyüke.

MATHI 27:54

Shaang mechem veshan kho hük shak kü mübü hatü büpa mü Jisu yomei nyupüthüi pedi vükpü hatü vampü douthü eepa, jom longi nyem hatü jomi, “Hingmei, büpayü Kahvang Ha vaipü khih” shei etei.

MATHI 27:40

hatü “Phopshem mangtü nyih jem mongkü veaokhen shei epü-ü, laophü nying yangtuh! Nüngü Kahvang Ha vaijema shophang leipü shühkei” shei e.

MATHI 24:35

Vangsho hatü kahdok peihdaihen, shejao ngelei shah nepeihdaihen.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

MÜLANGPÜ 3:14

Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

MATHI 4:3

Hahepak kü Kahshih-i büpa touei peiyei büpa kü, “Nüngü Kahvang Ha shejema, hathü yaongi aan leihen ngeükhüam shuohtuh” shei e.

PHONGSHANTHÜ DOU 16:1

Pauli Derbe hatü nanglak hük meni Timoti nyupü Lystralei heih. Büpayü vaipü Jehoda am nyüha hükei ha, shejao chepayü Greek am nyuteke.

2 KORINT 1:1

Paul, Kahvangi mongpü homei Khrista Jisulei phongshan, hatü jenei jeihinaü Timoti nyi-i, Akhaia kü nyupü daülangpüthü peü omshi Korint kü nyupü Kahvangei attoi touei,

1 THESALONIKA 1:1

Paul, Silas hatü Timoti leipü Pa Kahvang hatü Shembüpa Jisu Khrista kü Thesalonika attoi touei phahji hatü chingmei nyute.

2 THESALONIKA 1:1

Paul, Silas hatü Timoti leipü Kahvang, jenei Pa hatü Shembüpa Jisu Khrista kü Thesalonikalei nyupü attoi touei:

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 PETER 5:12

Hingshangpü jeihinaü shei ngei ieyeilempü Silvanus homei am kü nangthonghen, hatü hapayü hingshangpü Kahvang phahji shei denpü shuoh-ei ngei am kü ha lai shohlohpai nyangnyeih. Hapa kü wong kohshi yaongtuh.