2 KORINT 1:14 - DAÜLANGPÜ LAIHING (BSI)

¹⁴ Ammi ham nang maani mon nyingnyüke; ammi ham nangkü changmeipü keiha Shembüpa Jisulei nyih kü hami am nangkü changmeihen.

2 KORINT 1:14 Referans Kwoze

PHILIPPI 2:16

Ammi yangnyu shah kü wongshongi shoungpü homei ngei angsha kü nemok, nevaijü dou nedük shei Khristalei nyih kü ngei changmeiaokhen.

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

2 KORINT 5:12

Hami am touei ham nang vihhah-ei ne-enyih, shejao ham nangkü am changmeiyei deihhen hepak mei shuohnyeih; shejüang ammi mongdangei nyupü kü nevei-i shakdokei eepü kü changmeipüthü kü shahnyok shuoh-aokhen.

2 KORINT 2:5

Shejao hanei ami am mongmanghüei nyujema, büpai hayü ngei kü nevai, shejao lemhüklei, daei enyu nevai, am peü mongmanghüteke.

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

1 KORINT 15:31

Ngei nyihjeih dinyeih! Jeihinaü hatü nyahinaüthü, Khrista Jisu, jenei Shembüpa kü ngei am nangkü changmeipeyü hingshangpü.

1 KORINT 11:18

Shongpüba kü, mechem am attoi am chemi thaihenshang amphong khongkü hanteipü nyüke shei ngei dannyüke, hatü hapayü vaiteke shei ngei hinglemnyeih.

PHILIPPI 1:26

shejüang ngei shao am touei peishingkü Khrista Jisu kü am mongongpü aüh-ei yenhen.

2 KORINT 9:2

mehenangkü am kü sheühhüpü mong nyüke shei ngei nyingnyüke, hatü ngei Macedonia am touei changmeipeyü am nangkü hih. Akhaia leipü jeihinaüthüi müvang mebü sheühhen temei nyüke shei ngei ephei. Am nyakpükenpai jom longi mongshin phukteke.