2 KORINT 1:12 - DAÜLANGPÜ LAIHING (BSI)

¹² Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

2 KORINT 1:12 Referans Kwoze

1 KORINT 2:13

Hatü hami hangkulei kihikoni nyuhphopü shahthüi ha douthü jung ne-enyih, shejao laangha shennyakthü kü Laanghai nyuhpü laangha douthü nih-ei enyeih.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

1 THESALONIKA 2:10

Am vaipüthü touei ham mekei daülangi, jiüshi hatü eela neshiüi nyupa, am hatü Kahvangao ha denbü nyüke.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

HEBREW 13:18

Ham shing phopshih. Ham kü mongdeih daülangi nyupü hami nyingei nyüpeih; mehenangkü lemphü kü dhüm kohshi jiüpü dükei nyuhünyeih.

2 KORINT 8:8

Ngei hapayü shahkung kei ne-enyih, shejao mih-i sheühhüei monghumpü eeyei ammi bampü meshük hingshangpa, ngei ha nyinghen doknyüpeih.

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

1 KORINT 15:10

Shejao Kahvang phahji homei ngei shaang mehe nyu ha hih, hatü büpalei phahji ngei shingvaishi angsha neleidai. Halei meyü jomphong peü mü ngeiang nyeishi kheyei dükpeih– hapayü ngei nevai, shejao ngei mü nyupü Kahvang phahji homei.

PHONGSHANTHÜ DOU 24:16

Hanangkü ngei meiden doh-ei Kahvang hatü hangku touei düngei chudeih mongdang daülangi nyuhen khenyeih” shei e.

PHONGSHANTHÜ DOU 23:1

Pauli shahtap kübü nanglakthü kü hüngei veitü, “Jeihinaüthü, shinnyih thahshi ngei ngelei chudeih mongdang meipüba kü Kahvang touei ngelei yangnyu jiüshi nyuei heihtepih” shei e.

JOB SHAHSHA APPÜ 13:15

Büpai ngei jütükshasha khih; ngei monglemhen neshiü. Shejao ngei büpa touei ngei dah shakei ehen.

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

EPHESIA 6:14

Hanangkü yaongtuh hatü shahhing shüngshep sheptuh, hatü daülangshemshepü jaküpnyiam küptuh.

GALATIA 6:4

Peüi laophüi dükpü dou dokhen vongbong; shejüang mih-i dükpü kü neshettei-i meipü vaijema, laophüi dükpü dou kü changmeiyei deihhen.

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

2 KORINT 1:17

Ngei ha küpjan lingpeyü meishi nedeih-i lingpeih shei deihpü je? Ngei ngelei küpjanü kahdoknyü hangku yemya kü hepak hük kü-üng, “Hih, hih” hatü “Nevai, nevai” shei ehen temtü lingnyu hiang?

1 KORINT 5:8

Hanangkü jeni mang hatü nemeipü daw chang mü nevai, shejao jeni daw neshihpü daülangpü hatü shahhing aan mo moshah.

1 KORINT 4:4

Ngei khüei ngei nyingi meheyao nyingei neshiü, shejao hapai shei ngei mang neshiü shei ne-eaokpih. Ngei kü shahphenpeyü Shembüpa hih.

ROM SHAHSHA APPÜ 9:1

Ngei Khrista kü shahhing enyeih– ngei shahshem neenyih; Laangha Daülangpü homei ngelei mongdeih-i ha lekhünyüke.

ISAIAH 38:3

“Oh Shembüpa, ngei nüng touei monghahshi, mongdang kempai hinglemei hatü nüng touei mehe mei, ha dükei kampü deih-ei dangtuh” shei phopei e, hatü Hezekiah-i shahyaki thep.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

JAKOB 4:6

Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

1 KORINT 1:17

Mehenangkü Khristai ngei baptüknüng shompü nevai, shejao hapayü Khristalei shophang ngan kong neleihühen shingvaishi hangkulei kihikon shah nevai, shejao shahjangmei baonghen ngei shompeih.

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

2 SAMUEL 22:22

Mehenangkü ngei Shembüpalei lem kü kam; Ngei Kahvang toueipü yanei daiyei douten nedük.